• Өнөөдөр 2026-05-10

ШИНЭ ЖИЛИЙН БАЯРЫН ТУХАЙ СОНИРХОЛТОЙ АРВАН БАРИМТ

2023-12-23,   5651

  Харсан бүхэн ногоон, улаан, шаргал өнгийн тоглоом, гацуураар чимэглэгдэж биднийг ид шидийн улсад амьдрах боломжийг олгодог билээ. Тэгвэл энэ удаа ид шидийн мэт баяр болох шинэ жилийн баярын талаарх арван баримтыг хүргэж байна.  

1.Шинэ жилийн баярыг 4000 жилийн өмнөөс тэмдэглэн өнгөрүүлдэг байжээ 

      Түүхэнд тэмдэглэснээр эртний Вавилонд 4000 гаруй жилийн өмнө хүмүүс он солигдох үеийг баяр хөөртэй өнгөрөөдөг байжээ. Анх шинэ жилийн баярыг гуравдугаар сарын 01-нд тэмдэглэдэг байсан байна. Эртний Ромын цаг тооны бичигт жилийг арван сард л хуваан, гуравдугаар сарын 01-нийг шинэ жилийн эхний өдөр гэж тооцдог байснаас тэр аж. Дэлхийн бүхий л улс үндэстнээс хамгийн анх Австрали Улсад баяр болгон тэмдэглэжээ.  

2.Шинэ жилийн баярт зориулсан анхны маркийг анх 1898 онд Канадад үйлдвэрлэжээ. 

3.Гацуур модны чимэглэл 

      Анхны гацуур модны чимэглэлийг XVIII зуунд бидний хэрэглэдэг чимэглэлийг хийж эхэлсэн байна. Тюрингийн Лауш хотод анхны бөмбөлгийг хийжээ. Тугалган цаасаар доторлосон шилэн бөмбөлөг хийж түүнээ гадуур нь гялтгануураар чимж. Аажмаар шилэн урлал хөгжиж зөвхөн бөмбөлөг ч биш, төрөл бүрийн дүрс хийж эхэлсэн байна.Сүлд модыг анх 1895 онд Америкт цахилгаан гэрлээр чимэглэжээ. Цагаан ордны сүлд модыг чимэглэсэн Америкийн анхны Ерөнхийлөгч бол Фрэнклин Пиерс билээ. 
 
4.Зул сарын анхны ил захидлыг хатан хаан Викториягийн үед буюу 1843 онд Их Британид хэвлэсэн 
 

5.“Цөмөөхэй” балет 

     Шинэ жилийн баярын үеэр дэлхий дахинд хамгийн олон тоглогддог бүжгэн жүжиг бол “Цөмөөхэй” билээ. “Цөмөөхэй” балетыг Орос, Монгол, Америк Улсууд болон Европын орнууд шинэ жилийн баяр болгоноор тоглодог байна. Тэгвэл хамгийн анх энэ балетыг Оросын Маринский театрын уран бүтээлчид тайзнаа амилуулж байсан бөгөөд манай улсад анх 1982 оны тавдугаар сарын 8-нд Улсын Дуурь бүжгийн эрдмийн театрын уран бүтээлчид тоглож байжээ.   

6.Оны сүүлийн өдөр улаан өнгөтэй дотуур өмд өмсвөл шинэ онд хайр дурлалтайгаа учирна гэдэгт мексикчүүд итгэдэг. 

7.Хамгийн том болон жижиг сүлд мод 

    Зүүний сүвэгч дээр бүтээсэн уг мод дэлхийн хамгийн жижиг сүлд мод. 0.5 мм өндөр уг модыг Английн Бирмингхэм хотын зохион бүтээгч Виллард Виган содон бүтээлээ арванхоёрдугаар сарын 18-нд нийтэд дэлгэж байжээ. Харин дэлхийн хамгийн том сүлд мод Бразилийн Рио де Жанейрод бий. 2.8 сая гэрэлтүүлэгч тоглоом бүхий 82 метр өндөр бөгөөд 20 давхар барилгатай тэнцүү уг мод Гиннесийн номд 2005 онд бүртгэгдсэн юм.  
 

8.Санта Клаус 

    Николас гэгээнтэн нь IV зуунд аж төрж байсан бөгөөд Лициагийн хамба буюу одоогийн Турк Улсын хамба байжээ. Николас ядарсан хэн нэгэнд мөнгө, хувцас vлдээн явдаг байсан бөгөөд 346 оны арванхоёрдугаар сард өөд болжээ.  

9.Санта Клаус захидал хүлээж авдаг хаягтай 

Жил жилийн зул сарын баяраар хүүхэд багачуудын захидал үнэхээр Хойд туйлд хүрдэг гэнэ.  Энэ нь Аляскийн Хойд Туйл гэдэг  сууринд байдаг  бөгөөд шуудангийн таних тэмдэг нь “ХоХ Охо” (HoH OHO) хэмээх содон хаяг юм. Жилийн турш шинэ жилийн баярын уур амьсгалтай байдаг Хойд туйл хот 1770 гаруйхан оршин суугчтай. Шуудангийн газраас анх хүүхдүүдийг эрт уншиж, бичихэд нь  туслахыг санаачлан Сантагийн захидлыг хүлээж авах шуудангийн хаяг нээжээ. 
 
10. Зул сарын анхны ил захидлыг хатан хаан Викториягийн үед буюу 1843 онд Их Британид хэвлэсэн 
 
 
 
 
 
 

ШИНЭ ЖИЛИЙН БАЯРЫН ТУХАЙ СОНИРХОЛТОЙ АРВАН БАРИМТ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 7
  • Сэтгэгдэл үлдээсэн: 2025-11-24 17:24:54
    Тэргэлсаран : Үнэхээр сайн мэдээлэл байна
  • Сэтгэгдэл үлдээсэн: 2024-12-31 05:52:04
    Ж.Махвал: Энэ өглөө 4 цагт сэрээд Шинэ жилийн баярын тухай сонирхолтой баримтуудыг орос болон монгол хэлээр уншив. Шинэ жилийн баяр үнэхээр өнөөгийн хүн төрөлхтний баяр байхаас аргагүй юм байна. 2025 он Монголчууд бидний хувьд эв нэгдэл ,ухаарлын он байх бөгөөд 21 дүгээр зууны шинэ хөгжсөн монголын төлөө итгэлтэйгээр урагшааа алхах замдаа орох болно. Та бүхэнд хорвоогийн эрхэм сайхан бүхнийг ерөөе ! Монгол гэр бүл бүр аз жаргалын ундрага байх болтугай.
  • Сэтгэгдэл үлдээсэн: 2024-12-23 20:34:03
    Энхжин: Би сантаатай уулзмаар байна
  • Сэтгэгдэл үлдээсэн: 2024-12-20 23:08:44
    11г Мөнхсүлд: Би номтой болмоор байна
  • Сэтгэгдэл үлдээсэн: 2024-12-13 10:57:52
    Монголжин: Би одой морьтой болохоор байна
  • Сэтгэгдэл үлдээсэн: 2024-11-07 17:27:26
    Амин Эрдэнэ : Мотоцикл авмаар байна
  • Сэтгэгдэл үлдээсэн: 2024-11-07 17:24:13
    НоминЭрдэнэ : Би гоё туулайтай болмоор байна
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.