НАМРЫН ДУНД ШАРАГЧИН ТАХИА САРЫН НЭГ ЦАГААН ХӨХӨГЧИН ТАХИА ӨДӨР

Үс засуулбал: Бие эрхтний хүч сайжирна.
Наран ургах, шингэх: 06.49-18.37
Барилдлага: Хүчин төгсөх

Шүтэн барилдлага: Өтлөх үхэхүй   

Суудал: Уул

Аргын тооллын 9 сарын 29, Бархасвадь гараг. Билгийн тооллын 4, Хонгорцог одтой, хөхөгчин тахиа өдөр. Өдрийн наран 6 цаг 48 минутад мандан, 18 цаг 37 минутад жаргана. Тухайн өдөр могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.