Улсын мэдээлэл зүйн 36 дугаар олимпиад 2022 оны энэ сарын 1-нээс 4-нд МУБИС-д зохион байгууллаа. Уг олимпиадыг БШУЯ-ы дэмжлэгтэйгээр Монголын мэдээлэл зүйн олимпиадыг зохион байгуулах хороо Нийгэмд үйлчлэх төрийн бус байгууллага зохион байгуулж, хамтран ажиллагч байгууллагаар Эрдэнэс Оюу толгой ХХК, Мэдээллийн технологийн үндэсний парк ажиллажээ. Уг олимпиадад аймаг, нийслэлийн болон үндэсний мэдээлэл зүйн онлайн олимпиадаас шалгарсан 98 багш сурагч оролцож, хоёр өдрийн турш тус бүр гурван бодлого боджээ.  Оролцогчдын тоог дараах хүснэгтэд үзүүллээ.

     Улсын мэдээлэл зүйн 36 дугаар олимпиадын онцлог нь дунд ангийн ангилал нэмэгдсэн. Ингэснээр мэдээлэл зүй, программчлалын ур чадвартай суралцагчдыг багаас нь хөгжүүлэх, авьяасыг дэмжин хөгжүүлэх давуу тал, боломжийг бий болгожээ. Түүнчлэн 2021-2022 оны хичээлийн жилд мэдээлэл зүйн үндэсний цахим олимпиадыг 10 удаа зохион байгуулж, тэргүүн байр эзэлсэн 5 сурагч, 3 багшид улсын олимпиадад оролцох эрх олголоо. Мэдээлэл зүйн цахим олимпиад нь багш, сурагч байнгын бэлтгэлжилттэй байх, ур чадвараа олон улсын олимпиадын дүрмээр сорьж, хөгжихөд ихээхэн чухал үйл. Олимпиадад амжилттай оролцогчдын дүнг ангилал тус бүрээр дараах хүснэгтүүдэд харууллаа. Ангилал тус бүрд алтан медаль 1, мөнгөн медаль 2, хүрэл медаль 3, тусгай байр 3 буюу нийт 3 оролцогч алтан медаль, 6 оролцогч хүрэл медаль, 9 оролцогч хүрэл медаль, мөн 9 оролцогч тусгай байрын шагнал хүртээд байна.

    Бүтэн бодолт хийсэн 95 оролцогч байна. Нийт оролцогчийн дундаж оноо 255.12, 46 оролцогч буюу оролцогчдын 47 хувь нь дунджаас дээш оноо авсан нь оролцогчдын бэлтгэл сайн байгааг харуулжээ. Үүнд ММЗОЗБХорооноос 2021-2022 оны хичээлийн жилд зохион байгуулсан 10 удаагийн цахим олимпиад тодорхой үүрэг гүйцэтгэсэн нь дамжиггүй. Энэ жилийн олимпиадад 17 эмэгтэй оролцогч оролцсон нь өмнөх жилүүдээс хамгийн олон эмэгтэй оролцогчтой олимпиад боллоо гэж Монголын мэдээлэл зүйн олимпиадыг зохион байгуулах хорооноос мэдээлэв.