Өрхийн эмч нар Төсвийн тухай хуулиар батлагдсан эмч нарын нэг хүнд ногдох зардлыг нэмэх шийдвэрээ биелүүлэх шаардлагыг УИХ-ын дарга Г.Занданшатарт өнөөдөр хүргүүллээ.

     Энэ үеэр тэдний зүгээс "Эрүүл мэндийн Төсвийн тухай хуулийг 2021 оны аравдугаар сараас эхлэн хэлэлцсэн. Эрүүл мэндийн яам багц төсвийн төлөвлөгөөг УИХ-аар удаа дараа оруулж байгаа. Тэгээд Төсвийн тухай хууль батлагдаж, уг хуульд Өрхийн эрүүл мэндийн төвийн санхүүжилт нэг иргэнд ногдох хэмжээгээр санхүүждэг байсан. Өөрөөр хэлбэл, хуучин 30 мянган төгрөг байсныг 60 мянган төгрөг болгох шийдвэр гарсан. Гэсэн ч цар тахлын үед Өрхийн эрүүл мэндийн үйл ажиллагаа, ачаалал нэмэгдэж, ажилчдынхаа цалин хөлсийг нэмэх хэрэгцээ шаардлага гарч ирж, залуу эмч нар ажлаасаа шантрах, цуцах тохиолдол гарч буй. Гэтэл өнөөдрийг хүртэл бид Төсвийн хуулиар батлагдсан санхүүжилтээ авч чадаагүй байна. Тиймээс хуулиар батлагдсан нэг хүнд ногдох зардал буюу эмч нарын цалинг нэмэхийг шаардаж байна" гэв.