Замын Үүд, Эрээний боомтыг цар тахалтай холбоотой шалтгаанаар тодорхойгүй хугацаагаар хааж, хөл хорио тогтоосон тогтоосон талаар эх сурвалжууд мэдээллээ.

Эх сурвалжийн мэдээлснээр тус боомт дахь Гадаадын иргэн харьяатын газрын ажилтнаас коронавирусийн халдвар илэрсэн аж. Одоогийн байдлаар Замын-Үүд, Эрээний боомтод тогтоосон хөл хорио хэдий хугацаанд үргэлжлэх нь тодорхойгүй байгаа ч, хамгийн багадаа 14 хоног үргэлжилнэ.

Замын Үүд, Эрээний боомт хаагдахаас хоёр хоногийн өмнө буюу энэ сарын 12-нд Монгол Улсын Ерөнхий сайд Л.Оюун-Эрдэнэ БНХАУ-ын Төрийн зөвлөлийн Ерөнхий сайд Ли Көчянтай цахим уулзалт хийж, хоёр орны хоорондын нүүрсний худалдааг нэмэгдүүлэхээр ярилцаад байсан билээ.