Олон улсын “Эко сургууль” хөтөлбөрт Хэнтий аймгийн “Тэмүүжин” цогцолбор сургууль 2017 оны тавдугаар сард нэгджээ.  Тус сургууль энэ хөтөлбөрийн хүрээнд сурагч, багш, эцэг эхчүүдийн хамтарсан “ Эко зөвлөл” байгуулжээ. Тус зөвлөлийн ахлахаар биологийн багш Д.Мөнхзаяа  ажилладаг байна.  Мөн сурагчдын хамтарсан “ Эко клуб” байгуулсан байна. Тус төсөл хөтөлбөрийн хүрээнд ямар ажил зохион байгуулсан талаар “Эко зөвлөлийн” ахлах, биологийн багш Д.Мөнхзаяагаас тодрууллаа.

      Тэрбээр “Манай сургууль  олон улсын Эко сургуулийн хөтөлбөр, олон улсын “Эко сургууль”хөтөлбөр, “Дэлхийн зөн” олон улсын байгууллага, “Бор-Өндөр-II” төслийн санхүүжилтээр  нэгдэж эрүүл эко орчин бүрдүүлэхэд анхаарч ажилладаг. Энэ төслийнхөө хүрээнд “Иргэдийн оролцоо түүний үр нөлөө аргачлал төсөл, ТХБ төсөл хэрэгжүүлж байна.  Үүний үр дүнд олон улсын   орон нутгийн  төлөв байдлын хөрсийн судалгаанд ашиглагдах дадлага ажлын  зааварчилгааны  дагуу  хөрсний судалгааг авсан. Үүгээр зогсохгүй “Эко зөвлөл”, “Эко клуб”-ын сурагчидтай хамтран “ Нүүрстөрөгчийн ул мөр” зэрэг төслийн хүрээнд дээрх ажлуудыг хийж байна.

      Мөн сургуулиудын гадна амрах, тоглох орчин, зам талбайн гэрэлтүүлэг, биеийн тамирын талбай “Мөрөөдлийн сургууль” “Эко гэр”, “Нэг хүүхэд, нэг мод” бооцоот уралдаан зарлаж хичээлийн байрны гадна талбайд 100 ширхэг буйлс, 2019 оны аравдугаар сарын 15-нд  “Дэлхийн зөн” олон улсын байгууллага, “Бор-Өндөр-II”  төслийн санхүүжилтээр тарьсан. Харин хичээлийн хоёрдугаар байрны гадна талбайд 160 ширхэг голт бор, хайлаас, үхрийн нүдний суулгац суулгасан.

Өнгөрсөн тавдугаар сард 40 ширхэг үхрийн нүд, 100 ширхэг шар хуайс, өргөст хэмх, улаан лоолийн үрсэлгээг суулгасан. Мөн туршилтын талбайг хагалж найман нэр төрлийн нарийн ногоог тарьсан. Технологийн хичээлийн судлагдахууны баг хог хаягдлыг ашиглан бэлэг дурсгалын зүйл хийж сургалт явуулж, хоёр удаа үзэсгэлэн гаргасан” гэлээ.