Булган аймгийн Орхон сумын Уушгийн гарам гэх газар Л, 44 настай эрэгтэй Орхон голын усанд суусан автомашинаа ган татлагаар холбох, голын уснаас татан гаргах гэж ус руу унаж, живжээ.

      Тус дуудлагыг есдүгээр сарын 2-ны өдрийн 20:25 цагт Онцгой байдлын газар хүлээн авч эрэн хайх ажиллагааг есдүгээр сарын 7 хүртэл, 09.16-09.23- хүртэл  зохион байгуулж үр дүнд хүрээгүй байна. Харин энэ сарын 12-нд ар гэрийнхэний хүсэлтийн дагуу эрэн хайх ажиллагааг тус аймгийн Онцгой байдлын газрын Эрэн хайх, аврах салбар, Орхон аймгийн Онцгой байдлын газрын Гал түймэр унтраах, аврах 81 дүгээр ангийн алба хаагчид, ар гэрийнхэн эрэн хайх ажиллагааг эхлүүлсэн байна. Гэвч өчигдрийн байдлаар тус сумын Халиун багийн Уушгийн гарам гэх газраас Элст нуга хүртэл найман км-т завиар болон голын эрэг дагуу явганаар эрэн хайх ажиллагааг зохион байгуулсан боловч үр дүнд хүрээгүй тул эрлийг түр зогсоосон байна.