Дархан-Уул аймгийн Дархан сумын 12 дугаар багийн нутагт нүхэнд хүн унасан тухай дуудлага тус аймгийн Онцгой байдлын газарт иржээ.

Дуудлагын дагуу тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчид тухайн газарт очиход 55 настай иргэн Б “Ус суваг” ТӨХК-ийн шугам хоолойн засвар хийж байсан 1.8 метрийн гүнтэй нүхэнд унаж, шаварт шигдсэн байжээ. Улмаар онцгой байдлын алба хаагчид иргэн Б-г нүхнээс эсэн мэнд гаргасан байна.