Хан-Уул дүүргийн IV хороонд байрладаг 12 дугаар цэцэрлэгийн хүчин чадлыг 280 ороор өргөтгөн шинээр барьжээ. Барилгын ажлыг  “Рендербау” ХХК барьж гүйцэтгэсэн байна. Тус хороонд сургуулийн өмнөх боловсролын насны 1781 хүүхэд оршин суудаг бөгөөд төрийн өмчийн хоёр, хувийн өмчийн 16 цэцэрлэг үйл ажиллагаагаа явуулдаг аж. Үүнээс 1646 хүүхэд харьяа хороондоо цэцэрлэгт хамрагддаг бол 135 нь өөр дүүрэг, хороонд хамрагддаг байна.