Төв аймгийн Заамар сумын Доргол гэх газар “Прадо-150” загварын автомашинтай таван иргэн загасчилж яваад Туул голын усанд сууж, хоёр хүн осолдсон тухай бид өмнө мэдээлсэн. Эрэн хайх ажиллагаа үргэлжилж байгаа ч нэг хүнийх нь цогцсыг олоогүй байгаа аж.

    Тодруулбал, Туул голд осолдсон 53 настай, эрэгтэй О-ийн цогцсыг тус аймгийн Онцгой байдлын газрын Эрэн хайх, аврах салбарын алба хаагчид, “Шижир-Алт” ХХК-ийн ажилтнууд, ар гэрийнхний хамт эрэн хайж байна. Эрлийн багийнхан Заамар сумын Төмөртэй багийн Доргол гэх газраас Хайлааст багийн Хөвдөг гүүр хүртэл 22 км-т, Хөвдөг гүүрээс Баянголын уурхай хүртэл 20 км-т завиар, Бетон гүүр хүртэл 30 км-т голын эрэг дагуу явганаар хайсан боловч үр дүнд хүрээгүй аж. Эрлийн ажиллагааг түр хугацаанд зогсоогоод байсан ч өнөөдөр 07:00 цагт дахин эхлүүлжээ.