Төв аймгийн Заамар сумын Төмөртэйн хоёрдугаар багийн Доргол гэх газар “Прадо-150” загварын автомашинтай таван иргэн загасчилж байгаад Туул голыг гатлах үед автомашин нь усанд сууж, хоёр хүн осолджээ. Тус дуудлагыг аймгийн Цагдаагийн байгууллагаас энэ сарын 5-ны 22:21 цаг хүлээн авсан байна. Тус аймгийн Онцгой байдлын газрын Лүн сум дахь Эрэн хайх, аврах бүлгийн алба хаагчид 96 км зам туулан 01:45 цагт очин эрэн хайх ажиллагааг зохион байгуулж, мөн өдрийн  05:40 цагт Орхон аймгийн Баян-Өндөр сумын харьяат иргэн Б 49 настай, эрэгтэйн цогцсыг олж, Заамар сум дахь сум дундын Цагдаагийн хэлтсийн бүрэлдэхүүнд шилжүүлэн өгсөн байна.

     Өчигдрийн байдлаар тус аймгийн Онцгой байдлын газрын Эрэн хайх, аврах салбар, Лүн сум дахь Эрэн хайх, аврах бүлгийн алба хаагчид, компанийн ажилтнууд Улаанбаатар хотын харьяат иргэн О 53 настай, эрэгтэйг Лүн сумын Хайлааст багийн Доргол гэх газраас Бетон гүүр гэх газар хүртэл 70 км-т голын усаар завьтай урсаж, таван метрийн гүнд найман удаа шумбаж, голын эрэг дагуу 25 км-т явганаар болон автомашинтайгаар эрэн хайх ажиллагааг зохион байгуулсан боловч үр дүнд хүрээгүй тул эрлийг түр зогсоожээ.