“Осло-2021” ДАШТ-ий чөлөөт бөхийн төрлийн сүүлийн өдөр дагах тойрогт барилдсан Монголын гурван эмэгтэй тамирчин бүгд ялалт байгуулснаар хүрэл медалийн төлөө хүч үзэхээр болжээ. 72 кг-ын жинд Дэлхийн цэргийн спортын наадмын хүрэл, цэргийн ДАШТ-ий мөнгөн медальт ОУХМ Энх-Амарын Даваанасан дагах барилдаанд 2020, 2021 оны насанд хүрэгчдийн Азийн хошой аварга Энэтхэгийн Дивья Какраныг 6:2-оор яллаа. Тэрбээр хүрэл медалийн төлөө Германы Анна Шеллтэй барилдах аж.

   Эмэгтэйчүүдийн 57 кг-ын жинд Азийн АШТ-ий нэг мөнгө, хошой хүрэл медальт, ОУХМ Эрхэмбаярын Даваачимэг дагахад энэ жилийн залуучуудын дэлхийн аварга Казахстаны бөх, 19 настай Нилуфар Раймоваг оноогоор цэвэр 10:0 яллаа. Тэрбээр хүрэл медалийн төлөө өнгөрсөн жилийн Европын АШТ-ий мөнгөн медальт Украины Соломиа Винниктэй хүч үзэх юм.