Монгол Улсад орчин цагийн биеийн тамир, спортын салбар үүсч хөгжсөний 100, олимпын наадамд оролцож эхэлсний 60, паралимпын наадамд оролцож эхэлсний 24 жилийн ойг тохиолдуулан "Парис 2024” зуны XXXIII олимп, паралимпын XVII наадамд амжилттай оролцож, медаль хүртсэн тамирчид, тэдний дасгалжуулагчдад төрийн дээд цол, одон, медаль гардууллаа.

        Монгол Улсын Хөдөлмөрийн баатар цолоор "Парис-2024" паралимпын аварга, пара таэквондогийн үндэсний шигшээ багийн тамирчин, ОУХМ У.Сүрэнжавыг шагналаа. 

Монгол Улсын гавьяат тамирчин цолоор

1. "Парис-2024" олимпын мөнгөн медальт, дэлхийн аварга, жүдо бөхийн шигшээ багийн тамирчин, ОУХМ  Б.Баасанхүү,
2. "Парис-2024" паралимпын мөнгөн медальт, пара хөнгөн атлетикийн үндэсний шигшээ багийн тамирчин Ц.Баттулга нарыг шагналаа.

Монгол Улсын гавьяат дасгалжуулагч цолоор

1. Пара таэквондогийн үндэсний шигшээ багийн дасгалжуулагч, ОУХМ, ахмад Н.Эрдэнэбаатар,
2. Пара таэквондогийн үндэсний шигшээ багийн дасгалжуулагч, Д.Батнасан,
3. Пара хөнгөн атлетикийн үндэсний шигшээ багийн дасгалжуулагч Д.Махашира нарыг шагнав.

Сүхбаатарын одонгоор

1. Хөдөлмөрийн баатар, "Парис-2024" паралимпын мөнгөн медальт Э.Содномпилжээ,
2. Гавьяат тамирчин, "Парис-2024" паралимпын мөнгөн медальт Пара таэквондогийн үндэсний шигшээ багийн тамирчин Г.Болор-Эрдэнэ,
3. Гавьяат дасгалжуулагч, Үндэсний шигшээ багийн дасгалжуулагч Д.Баттулга,
4. Гавьяат тамирчин, жүдо бөхийн үндэсний шигшээ багийн тамирчин М.Бундмаа,
5. Монголын үндэсний паралимпын холбооны ерөнхийлөгч, Аж үйлдвэрийн гавьяат ажилтан Д.Нямхүү,
6. Гавьяат тамирчин, хөнгөн атлетикийн мастеруудын дэлхийнх аварга шалгаруулах тэмцээний алтан медальт Ц.Раднаа нарыг шагналаа.

Алтангадас одонгоор

“Парис-2024” паралимпын наадмын усанд сэлэлтийн тамирчин Х.Намууныг шагнав.