“Парис-2024” зуны 17 дугаар паралимпын наадам долоо дахь өдрөө үргэлжилж байна. Өнөөдрийн байдлаар Монголын баг нэг алт, хоёр мөнгөн медальтайгаар 168 орноос 41 дүгээр байрт бичигдлээ. Тэгвэл таэквондогийн төрөлд Үндэсний шигшээ багийн дасгалжуулагч Н.Эрдэнэбаатар, Д.Батнасангийн удирдлага дор өрсөлдсөн У.Сүрэнжав алт, Г.Болор-Эрдэнэ мөнгөн медаль хүртсэн амжилтаар Монголын таэквондогийн баг “Парис-2024” паралимпын наадмын таэквондогийн шилдэг 10 багийн дөрөвт жагсав. Тэд паралимпын наадмын таэквондогийн Монголын багийн анхдагч амжилтын эзэд болсон юм.