“Парис-2024” паралимпын наадмын таэквондогийн тулааны тэмцээн үргэлжилсээр байна. Эхний өдөр алтан медаль хүртсэн Монголчууд бид дахин шинэ медальтнаа өлгийдөж авлаа. Эрэгтэйчүүдийн 63 кг-ын жинд хүч сорьсон дэлхийн  аварга, МУГТ Г. Болор-Эрдэнэ мөнгөн медаль хүртлээ. Тэрбээр Туркийн Базтеке Махмуттай тулалдаж үндсэн цагт 7:7 -оор тэнцэж алтан онооны цагт ялагдал хүлээв. Туркийн тамирчин дэлхийд чансаагаар тэргүүлж яваа, манай тамирчин Г.Болор-Эрдэнэ дэлхийн чансааны хоёрдугаарт эрэмбэлэгдээд байгаа юм.