Жүдо бөхийн улсын аварга шалгаруулах тэмцээн энэ сарын 14-16-ний өдрүүдэд Монгол бөхийн өргөөнд зохиогдох хуваарьтай байна. Улсын аварга шалгаруулах тэмцээний дараа “Гранд слам”, “Гран при” тэмцээнүүд манай цагаан өмсгөлтнүүдийг хүлээж байгаа юм.

       Монголын жүдо бөхийн шигшээ багийн тамирчдын энэ жилийн эхний олон улсын тэмцээнд нэгдүгээр сарын 27-29-ний өдрүүдэд Португаль Улсын Алмада хотноо болон Португалийн “Гран при” тэмцээн байх болно. Тэмцээнд 36 улсын тамирчид оролцох төлөвлөгөөтэй байгаа. Түүний дараа Парисын  “Гранд слам” тэмцээн хоёрдугаар сарын 4-5-ны өдрүүдэд явагдана.

        Харин жүдо бөхийн дэлхийн аварга шалгаруулах тэмцээн өнгөрсөн жил Узбекистаны нийслэл Ташкент хотноо аравдугаар сард зохиогдсон бол энэ жилийн жүдо бөхийн дэлхийн аварга шалгаруулах тэмцээн тавдугаар сард Катар Улсын нийслэл Доха хотноо зохиогдоно.