“Амьд бус амьдрагсад” олон ангит аймшгийн кино багийнханд тус киног гаргаж байгаа суваг, онлайн платформоос ирсэн гомдолтой холбоотойгоор “Playmo” платформтой хийсэн гэрээ цуцалжээ. Тодруулбал, "Playmo" платформ "Амьд бус амьдрагсад" киног нийтэд түгээх гэрээг кино багийнхантай байгуулж, хоёр ангийг үзэгчдийн хүртээл болгоод байв. Энэ талаар “Амьд бус амьдрагсад” киноны ерөнхий продюсер, найруулагч А.Баттулгаас тодрууллаа.

           Тэрбээр “Амьд бус амьдрагсад” олон ангит аймшгийн киног гаргаж байгаа онлайн платформ, сувгуудаас гомдол ирсэн. “Playmo” платформын хамгаалалт муу байсан учир хүмүүс киног дүрсжүүлж, хувийг ашиг сонирхлоор нийтэд түгээх тохиолдол гарсан. Тийм учраас бусад IPTV, OTT-ын гомдлыг хүлээн авч, “Playmo” платформтой хийсэн гэрээгээ цуцалсан” гэв.

“Амьд бус амьдрагсад” кино нь Монголын анхны цуврал аймшгийн кино бөгөөд одоогийн байдлаар эхний хоёр ангиа үзэгчдийн хүртээл болгоод байгаа юм.