Ардчилсан нам ҮБХ-гоо хуралдуулж, генсекээ томилох эсэх асуудлыг өнөөдөр хэлэлцүүлж байна. Тэгвэл АН-ын генсект Хууль зүй, дотоод хэргийн асан Х.Тэмүүжин, Сангийн сайд асан С.Баярцогт, УИХ-ын гишүүн асан З.Нарантуяа, АН-ын гишүүн Н.Өнөрбаяр нарын нэр яригдаж буй. Тэгвэл Ардчилсан намын Ерөнхий нарийн бичгээр тус намын дарга Л.Гантөмөр Сангийн сайд С.Баярцогтод санал тавьсан ч түүнийг татгалзсан гэх мэдээлэл бий.

      Улмаар Хууль зүй дотоод хэргийн сайд асан Ж.Тэмүүжинг томилохоор ярьж байгаа гэх мэдээлэл байна. Тэгвэл Хууль зүй, дотоод хэргийн сайд асан Х.Тэмжүүнтэй холбоотой онцлох баримтуудыг товч хүргэж байна.

    Х.Тэмүүжин 2008-2016 он хүртэл УИХ-ын гишүүнээр сонгогдож, 2012 оноос Засгийн газарт Хууль зүй, дотоод хэргийн сайдаар томилогдон “давхар дээл”-тэй гишүүнээр ажиллаж байв.

    Тэрбээр Хууль зүй, дотоод хэргийн сайдаар ажиллаж байх хугацаандаа хар тамхины хэрэгт холбогдсон Н.Сарангэрэлтэй холбоотой дуулианд нэр холбогдож, олны анхааралд өртөж байлаа. Тухайн үед тэрбээр “Үүнийг Х.Баттулга зохион байгуулсан” хэмээн мэдэгдэж байсан удаатай.

    УИХ-ын гишүүний бүрэн эрхийн хугацаа нь дууссаны дараа улс төрөөс хэсэгтэй хөндийрч, сураг тасарсан тэрбээр 2021 онд Ардчилсан намаас  Ерөнхийлөгчийн сонгуульд нэр дэвшинэ гэдгээ мэдэгдэж, АН-ын Ерөнхийлөгчийн сунгаанд нэр дэвших хүсэлтэй өгч байв. Улмаар Ерөнхийлөгчийн сунгаан дүрмийн бус болж байна хэмээн нэрээ татаж байсан.

    Хууль зүй, дотоод хэргийн сайд асан Х.Тэмүүжин нь оффшортой холбоотой байж болзошгүй ноцтой баримтыг Эргэлт.мн мэдээлийн сайд дэлгэж байлаа.

   Х.Тэмүүжин Хууль зүйн сайдаар ажиллаж байхдаа буюу 2013 оны тавдугаар сард Дотоод хэргийн их сургуулийн 3000 сонсогчийн хичээлийн байрны барилгын ажлыг “Грийн ресурс констракшн” ХХК-д тендергүй өгсөн. Гэтэл төд удалгүй “Грийн ресурс констракшн” ХХК-ийн захирал Ц.Гантулгын төрсөн ах Ц.Цэцэнзоригийн “Рома инвестмент” ХХК-ийн барьсан “Рома таун” хотхоноос хоёр ширхэг орон сууцыг үнэгүй авсан. Тус хоёр орон сууцны нэгэнд нь Х.Тэмүүжин өөрөө, нөгөөд нь түүний хүү Т.Бүгүнүтэй амьдарч байгаа баримтыг бид дэлгэсэн. Өнгөц харвал, Х.Тэмүүжин Хууль зүйн сайдын албан тушаалаа ашиглаж, “Грийн ресурс констракшн” ХХК-д барилгын ажил тендергүй өгч, хариуд нь хоёр орон сууц авлигад авсан гэж харагдана. Гэхдээ лавшруулж үзвэл, маш том хэргийн нэг сэжүүр байж болзошгүй байгаа юм.

    Тодруулбал, Х.Тэмүүжингээс тендергүйгээр барилгын ажил авсан гэх “Грийн ресурс констракшн” ХХК-ийг Цэнд-Аюушийн Гантулга эзэмшдэг. Тус компанийн толгой компани нь “Грийн ресурс” ХХК. “Грийн ресурс” ХХК-ийг Ерөнхий сайд асан С.Баярын охин Б.Бадамханд, С.Баярын эхнэр Эрдэнэбилэгийн Сувд болон Цэнд-Аюушийн Цэцэнзориг нар эзэмшдэг. Өөрөөр хэлбэл, Х.Тэмүүжингээс тендергүй барилгын ажил авсан “Грийн ресурс констракшн” ХХК болон толгой компани болох “Грийн ресурс” ХХК-ийн жинхэнэ эзэн нь Ерөнхий сайд асан С.Баяр гэсэн үг.

ДЭЛГЭРЭНГҮЙГ ЭНДЭЭС