-ЕРӨНХИЙ САЙД АСАН С.БАЯР, “МОНОС”-ЫН Л.ХҮРЭЛБААТАР, “ПЕТРОВИС”-ИЙН Ч.ДАВААНЯМ НАРЫН ОФФШОР БҮСЭЭС МӨНГӨ ОРУУЛЖ ИРЖ, ОРОН СУУЦ БОЛГОЖ “УГААХ” АЖЛЫГ ХУУЛЬ ЗҮЙН САЙД АСАН Х.ТЭМҮҮЖИН ХАЛХАЛЖ, ХАРИУД НЬ АВЛИГА АВЧ БАЙСАН УУ-
Ерөнхий сайд Л.Оюун-Эрдэнэ авлига, албан тушаалын гэмт хэрэгтнүүдийг нам харгалзахгүй “намнана” гэж мэдэгдсэн. Улмаар “Таван Ш” ажиллагааг эхлүүлж, улс төрийн хүрээнийхэн бужигнаж эхлээд буй. “Найр ахаасаа” гэдэг. Шатыг дээрээс нь шүүрддэгтэй адил авлига, албан тушаалын гэмт хэрэгтнүүдийг томоос нь түүж барих ёстой. Тиймдээ ч бид өчигдрийн дугаартаа Хууль зүйн сайд асан Х.Тэмүүжингийн хоёр орон сууцны авлигын сэжүүрийг дэлгэсэн. Х.Тэмүүжинг томд тооцож, түүний авлигын сэжүүрийг эхэлж дэлгэсэн нь учиртай. Юу гэхээр, Х.Тэмүүжин Ц.Элбэгдорж гэх том артай, авлигын хэрэг нь С.Баяр, Л.Хүрэлбаатар, Ч.Давааням гэх “акул”-уудтай холбогдож байгаа юм. Товчхондоо, Х.Тэмүүжингийн холбогдоод буй авлигын хэрэг нь оффшор бүсээс мөнгө оруулж ирж, орон сууц болгож угаах ноцтой гэмт хэргийн нэг хэсэг байж болзошгүй. Оффшор бүсэд мөнгө нуух, оруулж ирж орон сууц болгож угаах гэмт хэргийг одоогоор зөвхөн “томчууд”, тэдний гар хөлүүд л хийж буйг хэлэх илүүц биз.
Х.Тэмүүжин Хууль зүйн сайдаар ажиллаж байхдаа буюу 2013 оны тавдугаар сард Дотоод хэргийн их сургуулийн 3000 сонсогчийн хичээлийн байрны барилгын ажлыг “Грийн ресурс констракшн” ХХК-д тендергүй өгсөн. Гэтэл төд удалгүй “Грийн ресурс констракшн” ХХК-ийн захирал Ц.Гантулгын төрсөн ах Ц.Цэцэнзоригийн “Рома инвестмент” ХХК-ийн барьсан “Рома таун” хотхоноос хоёр ширхэг орон сууцыг үнэгүй авсан. Тус хоёр орон сууцны нэгэнд нь Х.Тэмүүжин өөрөө, нөгөөд нь түүний хүү Т.Бүгүнүтэй амьдарч байгаа баримтыг бид дэлгэсэн. Өнгөц харвал, Х.Тэмүүжин Хууль зүйн сайдын албан тушаалаа ашиглаж, “Грийн ресурс констракшн” ХХК-д барилгын ажил тендергүй өгч, хариуд нь хоёр орон сууц авлигад авсан гэж харагдана. Гэхдээ лавшруулж үзвэл, маш том хэргийн нэг сэжүүр байж болзошгүй байгаа юм.
Тодруулбал, Х.Тэмүүжингээс тендергүйгээр барилгын ажил авсан гэх “Грийн ресурс констракшн” ХХК-ийг Цэнд-Аюушийн Гантулга эзэмшдэг. Тус компанийн толгой компани нь “Грийн ресурс” ХХК. “Грийн ресурс” ХХК-ийг Ерөнхий сайд асан С.Баярын охин Б.Бадамханд, С.Баярын эхнэр Эрдэнэбилэгийн Сувд болон Цэнд-Аюушийн Цэцэнзориг нар эзэмшдэг. Өөрөөр хэлбэл, Х.Тэмүүжингээс тендергүй барилгын ажил авсан “Грийн ресурс констракшн” ХХК болон толгой компани болох “Грийн ресурс” ХХК-ийн жинхэнэ эзэн нь Ерөнхий сайд асан С.Баяр гэсэн үг.
Харин Х.Тэмүүжинд хоёр орон сууцаар авлига өгсөн гэх “Рома инвестмент” ХХК-ийг Цэнд-Аюушийн Цэцэнзориг, Хүрэлбаатарын Ананд нар эзэмшдэг. Х.Ананд нь УИХ-ын гишүүн асан Л.Эрдэнэчимэгийн төрсөн ах “Монос” группийн Ерөнхийлөгч Л.Хүрэлбаатарын хүү. Өөрөөр хэлбэл, “Рома инвестмент” ХХК-ийн жинхэнэ эзэн нь “Монос”-ын Л.Хүрэлбаатар гэсэн үг.
Ерөнхий сайд асан С.Баяр, “Монос групп”-ийн Л.Хүрэлбаатар хоёр Хөвсгөл аймгийн Төмөрбулаг сумын уугуул, нэг “дов”-ны найзууд. Мөн С.Баярын “Грийн ресурс” ХХК, Л.Хүрэлбаатарын “Рома инвест” ХХК-ийн аль алинд нь хувьцаа эзэмшиж, хооронд нь холбож байгаа Ц.Цэцэнзориг, “Грийн ресурс констракшн” ХХК-ийн захирал Ц.Гантулга нар нь Хөвсгөл аймгийн Төмөрбулаг сумын уугуул, тус сумаас төрсөн анхны нарийн мэргэжлийн эмч Х.Цэнд-Аюуш агсны хүүхдүүд. Өөрөөр хэлбэл, Ц.Цэцэнзориг, Ц.Гантулга гэх ах дүүс нь С.Баяр, Л.Хүрэлбаатар хоёрын багын найзынх нь хүүхдүүд гэсэн үг. Ц.Цэцэнзориг нь Нийслэлийн Өмчийн харилцааны газрын Менежмент, төлөөллийн хэлтсийн даргаар, Ц.Гантулга нь Төрийн тусгай хамгаалалтын газарт комиссар буюу хамгаалагчаар ажиллаж байгаад “Грийн ресурс” ХХК, “Грийн ресурс констракшн” ХХК-иудын хувьцаа эзэмшигч, захирал болцгоосон байгаа юм.
Тэгвэл С.Баяр, Л.Хүрэлбаатар нар “Грийн ресурс” ХХК, “Грийн ресурс констракшн” ХХК, “Рома инвестмент” ХХК-иудыг оффшор бүсэд нуусан мөнгө оруулж ирэх, орон сууц болгож угаах зорилгоор ашиглаж байсан нь 2018 оноос илэрч эхэлсэн. Тодруулбал, С.Баярын найз “Петровис”-ийн Ч.Давааням нь С.Баярын охин Б.Нандинтай оффшор бүсэд зургаан компани эзэмшиж байсан. Тэдгээр компаниудынхаа нэг болох Англид байгуулсан “Forest Berries Ltd” компанийн Хонг Конг дахь данснаас 2010-2013 оны хооронд 3.9 сая ам.доллар Монгол руу шилжүүлсэн. Энэ мөнгө Л.Хүрэлбаатарын “Рома инвестмент” ХХК, Ч.Даваанямын “Петровис” болон С.Баярын охин Б.Бадамхандын дансаар дамжсан гэдэг нь С.Баярын хэрэг шүүхэд шилжсэний дараа ил болсон байдаг.
Цаг хугацааны дарааллаар харвал, С.Баяр, Ч.Давааням, Л.Хүрэлбаатар нар оффшор бүсээс их хэмжээний мөнгө оруулж ирсний дараа буюу 2014 онд “Рома инвестмент” ХХК нь Зайсангийн аманд “Рома таун” гэх тансаг зэрэглэлийн орон сууцны хотхоныг ашиглалтад оруулсан. “Рома таун” хотхоныг ашиглалтад ормогц нь Х.Тэмүүжин хоёр орон сууцыг үнэгүй авсан. Хэрвээ “Рома таун” хотхоныг оффшор бүсээс оруулж ирсэн хууль бус мөнгөөр барьсан гэж үзвэл Хууль зүйн сайд асан Х.Тэмүүжин тус хотхоноос хоёр орон сууц авснаараа оффшорын мөнгөний “охь”-ийг нь хүртсэн болж таарч байна.
Гол асуудал нь, Хууль зүйн сайд асан Х.Тэмүүжин тансаг зэрэглэлийн “Рома таун” хотхоны хоёр орон сууцыг “Грийн ресурс констракшн” ХХК-д тендергүй барилгын ажил өгснийхөө хариуд авсан уу, эсвэл С.Баяр, Ч.Давааням, Л.Хүрэлбаатар гурвын “мөнгө угаалт”-ыг мэдээгүй царайлсныхаа шанд авсан уу. Өөрөөр бол, С.Баяр, Ч.Давааням, Л.Хүрэлбаатар нарын “Грийн ресурс” ХХК, “Грийн ресурс констракшн” ХХК, “Рома инвестмент” ХХК-иудаар халхавчилсан “мөнгө угаалт” 2010-2014 онд буюу Х.Тэмүүжинг Хууль зүйн сайд байх хугацаанд хийгдсэн болж таарч байна. Тухайн үед хууль хүчнийхнийг толгойлж байсан Х.Тэмүүжин оффшор бүсээс их хэмжээний мөнгө орж ирж байгааг, орон сууц болж угаагдаж байгааг огт мэдээгүй байсан байж таарах уу. Эсвэл мэдсэн ч эсрэгээрээ дэмжиж, байгуулагдаад удаагүй “Грийн ресурс констракшн” ХХК-д 3000 сонсогчийн хичээлийн байрны барилгын ажлыг тендергүй өгч, туршлага хуримтлуулахад нь дэм болсон уу. Ямартай ч, ядарсан багшаас задарсан баян болсон Х.Тэмүүжингийн тансаг зэрэглэлийн хоёр орон сууцны хэргийг хөөхөд ийм схем гарч ирж байна. Хууль хяналтын байгууллагууд эцсийн хариултыг олох биз ээ.
Тайлбар: "Рома таун" хотхон
Эцэст нь, энэ бичвэрийн эхэнд Х.Тэмүүжинг Ц.Элбэгдорж гэх том артай гэснээ товч тайлбарлая. Х.Тэмүүжинг Хууль зүйн сургуулийн багш байхаас нь тордож, төрд татсан хүн нь Ц.Элбэгдорж гэдэг. Холбоо хамаарал нь ч хамаатан садны хэмжээнд тун ойр. Тодруулбал, Х.Тэмүүжин хүүхэд насаа нагац ах А.Баярмагнайнхаа хурдан морийг унаж өнгөрүүлсэн гэж дурсдаг. Нагац ах А.Баярмагнайнх нь охин буюу Х.Тэмүүжингийн үеэл эгч Б.Тэмүүлэн нь “Ньюс агентлаг”, “Парламент суваг” телевизийн үүсгэн байгуулагч, захирал. Х.Тэмүүжинг Хууль зүйн сайд байх үед Б.Тэмүүлэн хэвлэл мэдээллийн “пи ар” талын асуудлыг нь харин ч нэг хариуцсан шиг хариуцсан.
Харин Б.Тэмүүлэнгийн нөхөр Д.Ганбат нь Ц.Элбэгдоржийг Ерөнхийлөгч байх хугацаанд буюу 2010-2017 онд Үндэсний аюулгүй байдлын зөвлөлийн Стратеги судалгааны хүрээлэнгийн захирлаар ажилласан. Улмаар 2017 оны Холбооны Бүгд Найрамдах Герман Улсад суух Онц бөгөөд Бүрэн эрхт Элчин сайдаар томилогдсон. Харин Д.Ганбатын хүү Г.Бүүвэйхүү нь Ц.Элбэгдоржийг Ерөнхийлөгч болсноос хойш буюу 2013 оны долдугаар сараас Шадар туслахаар нь ажилласан. Өдгөө Г.Бүүвэйхүү Ерөнхийлөгч асан Ц.Элбэгдорж, түүний хүү Э.Эрдэнэ нартай “Элбэг эрдэнэ консалтинг” ХХК-ийг эзэмшдэг. Мөн Г.Бүүвэйхүү, Ц.Элбэгдорж нар “Дэлхийн Монголчуудын холбоо глобал” ТББ, “Дэлхийн Монголчуудын Хуралдай” ТББ-ыг хамтран эзэмшдэг. Холбоо хамаарал нь ийм ойр байхад Ц.Элбэгдорж, Х.Тэмүүжин хоёр хэн хэнийгээ хамгаалахгүй гээд хэрхэх билээ.
Тайлбар: Элчин сайд асан Д.Ганбат, түүний эхнэр, Х.Тэмүүжингийн үеэл эгч Б.Тэмүүлэн, түүний хүү, Ц.Элбэгдоржийн шадар туслах Г.Бүүвэйхүү
Энэ мэтээр Хууль зүйн сайд асан Х.Тэмүүжингийн “томчууд”-тай холбогдсон том хэргүүд мундахгүй ажээ. Х.Тэмүүжингийн аахар, шаахар хэргүүд ч сав дүүргэхээр арвин байна. Хууль зүйн сайдаар ажиллаж байхдаа өөрийн шавь, зөвлөх О.Алтангэрэлийнхээ ээж нэгтэй төрсөн дүү болох хөдөө амьдардаг сумын начин залууд Хууль зүйн яаманд ажилладаг гэж хуурамч бичиг баримт бүрдүүлж өгч, ШШГЕГ-ын ажилчдын орон сууцнаас байр гаргаж өгсөн асуудал ч авлига, албан тушаалын хэрэг мөн. Хууль зүйн сайд байхдаа тендерээр “тэжээж” байсан найзуудаараа Богд уулын аманд газар авхуулж, тэндээ буудлагын талбай байгуулчихсан яваа нь ч авлига, албан тушаалын хэргийн нэг хэлбэр. Авлига, албан тушаалын хэрэгтнүүдийг нам харгалзахгүй “намнана” гэсэн Ардын намын дарга Л.Оюун-Эрдэнэ Ардчилсан намын “акул”-уудын нэг, ар томтой Х.Тэмүүжингийн хэргүүдийг хэрхэхийг харах л үлдэж байна.
| ХУУЛЬ ЗҮЙН САЙД АСАН Х.ТЭМҮҮЖИН ОФФШОРЫН МӨНГӨНИЙ “ОХЬ”-ИЙГ ХҮРТСЭН ҮҮ |
|
ЦЕГ: Өмгөөлөгч Г.Батбаяр “Богд хаан” амралтын газрын автомашины зогсоолоос амиа алдсан байдалтай олдсон
Д.ДАГВАДОРЖ: Долдугаар сарын 7-нд циркийнхээ түүхт 80 жилийн ойг нөхөж тэмдэглэнэ
Амралтын өдрүүдэд нөөцийн махны өргөтгөсөн худалдаа үргэлжилнэ
ЧУУЛГАН: УИХ-ын гишүүн Н.Энхбаярыг БНХАУ-д суух Элчин сайдаар томилохыг дэмжлээ
Парис хот руу аялах азтанууд тодорлоо
Үндэсний номын сангийн шинэ барилгыг тавдугаар сард нээхээр төлөвлөж байна
Ботаникийн эцсээс Улиастайн гүүр хүртэлх авто замыг хааж, хэсэгчлэн засварлана
ХУТАГ-ӨНДӨР СУМЫН СУРГУУЛИЙН ЗАХИРАЛ: Дотуур байрны хүүхдийн унтлагын тасагт хяналтын камер суурилуулаагүй
ХҮРЭЭЛЭН БАЙГАА ОРЧНЫ ЭСРЭГ ХЭРГИЙН 67.5 ХУВЬ НЬ ХУУЛЬ БУСААР АШИГТ МАЛТМАЛ ОЛБОРЛОХ, МОД БЭЛТГЭХ ГЭМТ ХЭРЭГ БАЙНА
Э.БАТШУГАР: Зээлдэгчийн онооны системийг нэвтрүүлснээр зээлийн хүү, барьцаа хөрөнгийн шаардлага багасна
ДЭЛХИЙН ОЮУНЫ ӨМЧИЙН ӨДӨР ТОХИОЖ БАЙНА
Их Британиас Монгол Улсад англи хэлний хөтөлбөр хэрэгжүүлэхэд зориулж 10 сая фунтийн дэмжлэг үзүүлнэ
Эрүүл мэндийн даатгалын сангаас 18 сая төгрөг зарцуулсан буруутай этгээдээр нөхөн төлүүлэхээр болжээ
БОРНУУР СУМЫН ЗДТГ-ЫН ДАРГА: 11 НАСТАЙ ХҮҮ АЙЛЫН МОРЬ УНАЖ БАЙГААД МОРИНООСОО УНАЖ, АМИА АЛДСАН НЬ ҮНЭН
ЛУ.ГАНТӨМӨР: МАН ОДОО БОЛНО, АРАЙ ХЭТЭРЧ БАЙНА. ТАХИМАА ӨГЧ СУР
Т.ЧИМГЭЭГИЙН АХ Т.ХҮРЭЛБАТ: ДҮҮ МИНЬ УЛСААС 48 ТЭРБУМ ТӨГРӨГ НЭХЭМЖЛЭЭГҮЙ
“Шунхлай” группийн 7878 ажилтны нэрийн дансанд “АПУ” ХК-ийн 3.1 сая ширхэг хувьцаа байршуулж дуусжээ
Т.ДОРЖХАНД: Сонгуулийн ерөнхий хороонд саналын хуудас тусдаа байх, нам, нэр дэвшигчийн нэр мэдээллийг тодорхой тавих шаардлагыг хүргүүлж байна
УБТЗ: Ажилчдынхаа цалинг 10 хувиар нэмнэ
Элсэлтийн шалгалтын бүртгэл өнөөдөр дуусна
Баян-Өлгий аймагт хаагдсан зам, давааг нээх ажиллагаа үргэлжилж байна
МУГЖ О.БАТ-ӨЛЗИЙД ТӨРСӨН ӨДРИЙН МЭНД ХҮРГЭЕ
Үндэсний аудитын газар нам, эвслийн мөрийн хөтөлбөрт хийсэн дүгнэлтээ ирүүллээ
"Дурлалын ундаа" хошин дуурийг энэ сарын 27,28-нд тоглоно
УЛААНБААТАР ХОТ ОРЧМЫН 13 САЛБАР ЧИГЛЭЛ, 37 ТӨСӨЛД 7,4 ТЭРБУМ ТӨГРӨГИЙН ЗЭЭЛ ОЛГОХООР БОЛЛОО
"AGRI SHOWCASE 2024" АРГА ХЭМЖЭЭ ЭРДЭНЭТ ХОТОД ЗОХИОН БАЙГУУЛАГДЛАА
Чөлөөт бөхийн олимпын сүүлийн эрхийн төлөө өрсөлдөнө
Б.Мөнх-Эрдэнэ, Б.Бадамдорж нар олимпын эрхийн төлөө өрсөлдөнө
Аялал жуулчлалыг хөгжүүлэх 55 тэрбум төгрөгийн хөнгөлөлттэй зээлийн хугацааг сунгана
СОНГУУЛИАР САНАЛ ЦАРАЙЧЛАХ УЛСТӨРЧДИЙН ИРГЭДИЙГ ХУУРАХ АМЛАЛТУУД
ТҮҮНТЭЙ "ХАЙРЫГ ХАЙРЛА" ЖҮЖГИЙН ТУУЛЫН ДҮРЭЭР УУЛЗАХ НЬ
X ТОЙРОГ: Ц.ЭЛБЭГДОРЖ, З.ЭНХБОЛД, ЛУ.ГАНТӨМӨРИЙН “ТАВИУЛ”-УУДААР ТОЛГОЙЛУУЛСАН АН-ЫН ГОРИЛОГЧИД
“ГУРАВДАГЧ ХӨРШ”-ҮҮДИЙН ШИНЭ СОНИРХОЛ
Б.ЦОГТ-ОЧИР: Монголын хөнгөн жингийн дотоодын өрсөлдөөн ширүүн байдаг
ДОЛООН САРТАЙ ХҮҮГЭЭ ӨВӨРТӨЛЖ ЯВААД АМИЙГ НЬ ХӨНӨӨЖЭЭ
Г.БАЯРСАЙХАН: Ерөнхийлөгч асан Ц.Элбэгдорж, Х.Баттулга нар залуу үедээ зайгаа тавьж өгөх цаг нь болсон
Т.ИРЭЭДҮЙ: “НҮҮРГҮЙ ХҮН” КИНОГООР ЦАХИМ СҮЛЖЭЭНИЙ БУРУУ ХЭРЭГЛЭЭ ЯМАР ХОР ХӨНӨӨЛТЭЙГ ХАРУУЛАХЫГ ХИЧЭЭСЭН
