Улсын дээд шүүхийн нийт шүүгчдийн хуралдаан өнөөдөр боллоо. Хуралдаанаар Ардчилсан намын даргыг бүртгэх эсэх асуудлыг хэлэлцсэн юм. Тэгвэл энэ хуралдаанаар Ардчилсан намын даргаар Лу.Гантөмөрийг бүртгэсэн байна.

      Ардчилсан намын Үндэсний бодлогын хорооны хуралдаанаар энэ оны нэгдүгээр сарын 19-нд болж, Ардчилсан намын дараагийн даргыг сонгох сунгааныг зохион байгуулсан. Тус сунгаан УИХ-ын гишүүн асан Л.Гантөмөр, Сангийн сайд асан С.Баярцогт, УИХ-ын гишүүн асан З.Нарантуяа, УИХ-ын гишүүн С.Одонтуяа нар нэр дэвшиж, гишүүдийн олонх УИХ-ын гишүүн асан Л.Гантөмөрийг сонгосон. Улмаар намын Их хурлаар Л.Гантөмөрийг намын даргад батламжилж, Улсын дээд шүүхэд түүнийг намын даргаар батламжлуулахаар өргөн мэдүүлээд байсан юм.

    2020 оны УИх-ын сонгуулиас хойш Ардчилсан нам дараагийн даргаа тодруулж чадалгүй улмаар хоёр талцан, тамга тэмдэгийн маргаантай байсаар өнөөдрийг хүрсэн. Тэгвэл намын даргад Л.Гантөмөрийг батламжилснаар Ардчилсан намын асуудал нэг тийш цэгцэрнэ гэсэн хүлээлт олны дунд байгаа юм.