Засгийн газрын ээлжит хуралдаанаар 50 асуудал хэлэлцэж, шийдвэрлэнэ. Монгол Улсын Ерөнхий сайдын санаачлагаар 2023 оныг авлигатай тэмцэх жил болгон зарласан. Уг тогтоолын төслийг баталлаа. Ерөнхий сайд холбогдох сайд нарт үүрэг чиглэл өгсөн. Тухайлбал, “Шүгэл үлээгчийн эрх зүйн байдлын тухай” хуулийг батлуулах үүргийг ХЗДХ-ийн сайд Х.Нямбаатарт үүрэг болголоо.

                 Энэ талаар тэрбээр “Авлигатай тэмцэх жилийн хүрээнд Засгийн газрын сайд нар болон агентлагуудад хийж, хэрэгжүүлэх  үйл ажиллагааг албан даалгавар болгож, хавсралтаар баталсан. Энэ хүрээнд далд эдийн засгийг ил болгох, олборлох салбарын үнийг тогтоох, системийг бий болгосноор дотоодын нийт бүтээгдэхүүнийг 55 орчим их наядад хүргэх боломж нөөц бий. Тогтоолын төслийг боловсруулах явцад холбогдох яам тооцоо, судалгаа гаргаж өгсөн.  Авлигатай тэмцэх жилийн зорилт биелбэл нэг хүнд ноогдох ДНБ 5000 ам доллароос дээш гарах боломжтой.