Хөгжлийн банкны нээлттэй сонсголд Ерөнхийлөгч асан Х.Баттулга гэрчээр дуудагдан оролцлоо. Тэрбээр Сайншанд аж үйлдвэрийн цогцолбор ТӨХХК-д Хөгжлийн банкнаас олгосон зээлтэй холбоотой асуудалд тайлбар өгсөн юм.

     Энэ үеэр Ерөнхийлөгч асан Х.Баттулга "35 мянган га газар дээр байгаль орчны үнэлгээ хийнэ гэдэг амар ажил биш шүү дээ. Дэд бүтэц ложистик буюу төмөр замаа хийсэн. Усаа олсон, цахилгаанаа татчихвал хоёр тэрбум ам.доллараас илүү хөрөнгө оруулалт хийсэн. Юун татан буулгах тухай яриа байгаа юм бэ. Тухайн үед Ч.Хүрэлбаатар ЗГХЭГ-ын дарга байсан татан буулгах асуудлыг оруулж ирж байсан. Сангийн сайд байхдаа татан буулгах юм ярьж байна. Үүнийг би Ч.Хүрэлбаатар толгойлж хийсэн гэж бодож байна. Монгол Улсыг аж үйлдвэржүүлэх асуудлыг жадлан эсэргүүцдэг хүн бол Ч.Хүрэлбаатар" хэмээсэн юм. 

       Түүний уг тайлбартай холбоотой  Эдийн засаг хөгжлийн сайд Ч.Хүрэлбаатар цахим хаягтаа тайлбар хийсэн байна Тэрбээр "Энэ нөхөр Ерөнхийлөгч байсан санагдах юм, юугаа хийж байсан юм бол оо, Дарханы арьс ширний цогцолбор нь бас л хулгай нүүрлээд зогсчихсон уу? Салхитын мөнгийг боловсруулаад мөнгөн аяга хийнэ, монголын бүх өр дарна гээд байсан бас л хулгайлчихсан уу. Дахиад л Хүрлээ…" хэмээн жиргэсэн байна.