БНТУ-д 7.8 баллын хүчтэй газар хөдлөлт болж, 4800 гаруй иргэн амиа алдаж, олон хүн шархдсан харамсалтай үйл явдал болж буй. Тэгвэл Турк Улсад Монгол Улсаас тусламж илгээх асуудлаар дөнгөж сая Шадар сайд болон УОК-ийн бүрэлдэхүүн хуралдаж шийдвэр гаргажээ. 

 Тодруулбал, Монгол Улсын Засгийн газраас Бүгд Найрамдах Турк Улсад эрэн хайх, аврах ажиллагаанд оролцох 35 хүний бүрэлдэхүүнтэй эмч, сувилагчдын баг, хүмүүнлэгийн бараа бүтээгдэхүүн илгээх саналаа Турк Улсын Элчин сайдын яаманд хүргүүллээ. Мөн Сири Улсад хүмүүнлэгийн тусламж үзүүлэхээр болсон байна.