ХНХ-ЫН САЙД, УИХ-ЫН ГИШҮҮН Т.АЮУРСАЙХАН ГИШҮҮНИЙ БҮРЭН ЭРХЭЭСЭЭ ТАТГАЛЗАЖ, АЛБАН ТУШААЛААСАА БҮРМӨСӨН ЧӨЛӨӨЛӨГДӨХ ХҮСЭЛТЭЭ ГАРГАЛАА

2023-02-07, 902

УИХ-ын гишүүн, ХНН-ын сайд Т.Аюурсайхан УИХ-ын гишүүний бүрэн эрхээсээ өөрийн хүсэлтээр татгалзаж, Засгийн газрын сайдын албан тушаалаасаа бүрмөсөн чөлөөлөгдөх хүсэлтээ гаргажээ. Тэрбээр энэ талаараа "Улсын Их Хурлын гишүүнээс болон Засгийн газрын гишүүн, Хөдөлмөр нийгмийн хамгааллын сайдын албан тушаалаас чөлөөлөгдөх хүсэлтээ Улсын Их Хурлын дарга Г.Занданшатар, Ерөнхий сайд Л.Оюун-Эрдэнэ нарт гаргалаа.

Улсын Их Хурлын нэр бүхий гишүүний зүгээс намайг “нүүрсний” гэх хэрэгт нэр холбогдуулж мэдээлэл хийснээс үүдэн миний нэр хүндийг унагахад чиглэсэн шат дараатай, зохион байгуулалттай үйл ажиллагааг нийгмийн сүлжээгээр явуулах болсноор багагүй хугацаа өнгөрлөө. Олон нийтийн дунд ч томоохон эргэлзээ, хардлага бий боллоо. Над руу чиглэсэн энэхүү дайралтыг хэн нэгнийг хуулийн хариуцлагаас мултлах, зайлсхийлгэх зорилготой бусдын зохион байгуулалттай явуулга, үйл ажиллагаа гэж үзэхээс өөр аргагүй байна. Миний бие уг асуудлаар цаг тухайд нь зохих няцаалт, мэдэгдлүүдийг хийж ирсний зэрэгцээ хууль хяналтын байгууллагаар нэг мөр шалгуулж эцэслэхээ удаа дараа илэрхийлж, энэ чиглэлээр зохих алхмуудыг авч хэрэгжүүлж ирлээ.

Миний бие Улсын Их Хурлын гишүүний бүрэн эрх, халдашгүй байдлаас татгалзаж байж албан тушаалын аливаа нөлөөлөл, саад тотгоргүйгээр зохих ёсоор шалгуулж, хууль, шүүхийн өмнө үнэн мөнөө тогтоолгох хүсэлтэй байна.Энэ асуудал нь надаар зогсохгүй Засгийн газрын нэр хүндэд сөргөөр нөлөөлөх эрсдэлтэй байгаа тул үүнээс сэргийлэх үүднээс Засгийн газрын гишүүн, сайдын албан тушаалаас ч сайн дурын үндсэн дээр чөлөөлөгдөх нь зүйтэй гэж үзлээ" хэмээн мэдэгдсэн байна.

Түүнийг нүүрсний хулгайн хэрэгт холбогдуулан шалгаж, АТГ-аас гэр болон хамаарал бүхий этгээдүүдийн гэрт нь нэгжлэг хийсэн удаатай. Түүнчлэн өчигдөр Сүхбаатар дүүргийн анхан шатны шүүхээс УИХ-ын гишүүн Т.Аюурсайханд хилийн хориг тавьж, зарим нэр бүхий хүмүүстэй уулзахгүй байх таслан сэргийлэх арга хэмжээ авсан юм.

ХНХ-ЫН САЙД, УИХ-ЫН ГИШҮҮН Т.АЮУРСАЙХАН ГИШҮҮНИЙ БҮРЭН ЭРХЭЭСЭЭ ТАТГАЛЗАЖ, АЛБАН ТУШААЛААСАА БҮРМӨСӨН ЧӨЛӨӨЛӨГДӨХ ХҮСЭЛТЭЭ ГАРГАЛАА

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид