Засгийн газраас Өршөөлийн тухай хуулийн төслийг өргөн барьж, УИХ-д яаралтай горимоор хэлэлцүүлж байна. Өршөөлийн хууль батлан гаргахтай холбоотой Ерөнхийлөгч асан Ц.Элбэгдорж байр сууриа илэрхийлсэн байна. 

Тэрбээр “Өршөөлийн хууль  ярьж байгаа юм уу. 100 жилд нэг удаа шоронгоо суллахгүй бол Төрийн өршөөл байгаад ч яах вэ. Хүчин, санаатай амь егүүтгэсэнд хатуурхаж болно.   Авлига, албан тушаалыг яах вэ гэх байх. Бүгд л улс төрийн хэрэг болж дууссан. Монголоо, хүнээ худалдсан нь ордонд  монголоо, иргэдээ гэсэн нь шоронд орцгоосон. Жинхэнэ алуурчин, хулгайч нь уучлал, шагналаар бялхахыг би ч харлаа, Та ч харлаа. Ийм хоёр нүүртэй, харанхуй, бусармаг төрөөр монголын ард иргэд яах ч билээ.  УИХ-аас гарах өршөөлд л 100 жилийн ойн нэр нүүр, манлайлал гарвал нэг гарна. Гарахгүй бол эс гарна. Бусад нь үхэл хагацал, гамшиг гутамшиг болоод дууслаа. Өөр юу ч хэлэх вэ” хэмээн жиргэсэн байна.