Ардын хувьсгалын 100 жилийн ойн тэгш ойн баярыг тохиолдуулан Засгийн газраас Өршөөлийн тухай хуулийн төслийг боловсруулан УИХ-д өргөн бариад буй. Улмаар Хууль зүйн байнгын хорооны хуралдаанаар хэлэлцүүлэн УИХ-ын чуулганы хуралдаанд оруулахаар болоод байна. 

 

Энэ удаагийн Өршөөлийн хуулийн төслийг Хууль, зүй дотоод хэргийн яамнаас боловсруулсан бөгөөд нийт 150 хоригдлыг ялаас суллаж,  79 тэрбум төгрөгийн торгуулийг тэглэх зэрэг онцлог заалтууд тусгагдаад буй. 

Тэгвэл Хууль зүйн байнгын хорооны хуралдааны үеэр УИХ-ын гишүүн Д.Ганбат “МАН-ын 100 жилийн ойгоор хүмүүсийг өршөөсөн шиг өршөөе” хэмээн ам нээлээ.  Угтаа бол энэ санал “бай”-гаа оносон чухал санаачилга байхыг үгүйсгэхгүй юм. Эрүүгийн бодлого нь алдаатай учраас шорон нь хүнээр дүүрч, шоронжоод эхлэхээр суллахын тулд өршөөл үзүүлдэг буруу практик манайд бий. Өөрөөр хэлбэл, “Өршөөлийн хууль нь  байнга хэрэглэгдэх хууль биш. Энэ удаагийнх хамгийн сүүлийн удаа байгаасай” хэмээн хэлсэн УИХ-ын гишүүн Д.Ганбатын үг үнэний ортой. 

 

 

Иймд Өршөөлийн хууль батлах гэж байгаа бол ардын хүүхдийн алагчлалгүй суллаж, хуулийг тэгш үйлчлэх боломжоор хангах нь зүйтэй. Амьдралдаа алдаж оносон жирийн иргэдийн өршөөлд хамруулж, алдаагаа засах боломжийг нь хангахад буруудах зүйлгүй биз ээ. Гэмт хэргийг ялгаж болохгүй ардын хүүхдийг өршөөсөн шиг өршөөж, хууль тэгш үйлчлэх ёстой, Тэд корона гээд амьдрахын эрхээр алдсан оносон байж болно.

 

Энэ удаагийн Өршөөлийн тухай хуульд тусгаснаар  эхний ээлжид  150 хоригдол ялаас бүрэн чөлөөлөгдөж, 374 хоригдлын хорих ялыг зорчих эрхийг хязгаарлах ялаар солих юм байна. Түүнчлэн 469 хоригдлын хорих ялаас хоёр жилийг хасахаар хуульд тусгаад буй. Өсвөр насны 25 хүүхэд суллагдаж, хорихоос өөр төрлийн ял эдэлж байгаа болон албадлагын арга хэмжээ авсан 3915 хүмүүс өршөөлд хамрагдана.