ӨРШӨӨЛИЙН ХУУЛЬ: Сэргээш хэрэглэсэн бөхчүүдийн эрх сэргэж, ЖОЛООЧ НАР торгуулиас чөлөөлөгдөнө

2021-06-30, 1570

Эрх баригч намынхан 100 жилийнхээ ойг угтаж, Өршөөлийн хууль батлах нь л дутуу байв. Тэгвэл өчигдөр Засгийн газрын хуралдаанаар нууцын зэрэглэлтэй энэ асуудлыг хэлэлцэж, хууль батлахаар болсон байна.

Өршөөлийн хууль батлах байх гэх хүлээлт олны дунд үүсэж, Хууль зүй, дотоод хэргийн яамнаас Ажлын хэсэг гарган хуулийн төсөл боловсруулж байгаа талаар ЗГХЭГ-ын дарга Ц.Нямдорж мэдэгдэж байв. Тэрбээр "Өршөөлийн хуулийн төслийг боловсруулж байгаа. Өршөөлийн ажиллагаа гэдэг их амаргүй. 6000-7000 хоригдлын дундаас өршөөлд хамруулах асуудлыг ярьдаг. Өмнө нь анх удаа хөнгөн гэмт хэрэг үйлдсэн 1200 орчим хүн суллагддаг байсан. Мөн хорихоос өөр төрлийн ялыг өршөөлд хамруулдаг. Өршөөлийн ажиллагаа нэлээд хүн хүч шаарддаг ажил. Ер нь 100 жилийн ойгоор Өршөөлийн хууль гарна гэсэн хүлээлт олон нийтийн дунд ч, хоригдлуудын дунд ч бий. Тэгэхээр ямар нэгэн шийдвэр гарч таарах байх. Өршөөлийн хуулийг 2015 оны баталсан хуулийн хүрээнд дахин боловсруулна. Ял эдэлж байгаа хүмүүсийн дотор хуучин, шинэ хуулиар шийтгэгдсэн хүмүүс бий. Үүнийг хэрхэн шийдэх үү гэдэг асуудал бий. Авлига албан тушаалын хэрэг, хүнд гэмт хэрэг үйлдсэн хүмүүсийн ялаас хасалт хийх байх. Одоогоор төсөл нь орж ирээгүй учраас сайн мэдэхгүй байна" гэх тайлбарыг хийж байлаа.

Хуулийн төслийг 2021 оны долдугаар сарын 1-нээс өмнө хэрэгжүүлэхээр төсөлд тусгажээ.

ӨРШӨӨЛИЙН ХУУЛЬД ХЭН ХАМРАГДАХ ВЭ

Өршөөлийн хуульд Эрүү ба Зөрчлийн хуулиар шитгүүлсэн иргэд хамрагдах боломжтой бөгөөд ялаас өршөөн хэлтрүүлэхэд ялтан хуулийн хүчин төгөлдөр шүүхийн шийдвэрээр тогтоосон гэмт хэргийн хохирлын тодорхой хувийг нөхөн төлж, бусад хэсгийг нөхөн төлөхөө илэрхийлсэн байх.

Өршөөлд хамруулахгүй болон ялаас хасах, хорих ялыг зорчих эрхийг хязгаарлах ялаар солихоор зааснаас бусад хөнгөн гэмт хэрэг үйлдэж Эрүүгийн хуулийн 6.7 дугаар зүйлийн 1 дэх хэсгийн 1.1, 1.2 дахь заалт, 7.1 дүгээр зүйлд заасан журмын дагуу тэнссэн, 7.6 дугаар зүйлд заасан хорих ял оногдуулсан шүүхийн шийтгэх тогтоол биелүүлэхийг хойшлуулсан, 8.6 дугаар зүйлд заасан өсвөр насны хүнд хорих ял оногдуулсан шүүхийн шийтгэх тогтоол биелүүлэхийг хойшлуулсан хугацааг тус тус өршөөн хэрэгсэхгүй болгоно.

ЖОЛООЧ, БӨХЧҮҮДИЙН ЭРХ СЭРГЭНЭ

Эрүүгийн хуульд зарим гэмт хэрэг үйлдсэн нь эрүүгийн хариуцлага хүлээсэн хоригдлын оногдуулсан ялаас, эсхүл эдлээгүй үлдсэн хорих ялаас хоёр жилийг хасахаар тусгасан бөгөөд хорихоос өөр төрлийн ял оногдуулсан бол торгох ялын арван таван нэгжийг, нийтэд тустай ажил хийлгэх ялын найман цагийг, зорчих эрхийг хязгаарлах ялын нэг өдрийг хорих ялын нэг хоногоор тооцож ялтны ялаас дүйцүүлэн хасна.

Мөн 2021 оны долдугаар сарын 1-ний өдрөөс өмнө Үндэсний их баяр наадмын тухай хууль тогтоомжид заасны дагуу үндэсний бөхийн барилдаан болон сур харваанд оролцох эрхээ хасуулсан бөх, сурын харваачийн үндэсний их баяр наадамд оролцох эрхийг нэг удаа өршөөн сэргээхээр тусгасан.

Тус хууль нь 2017 оны зургадугаар сарын 30-ны өдрийн 24:00 цаг хүртэл хугацаанд 2002 оны нэгдүгээр сарын 3-ны өдөр баталсан Эрүүгийн хууль болон 2021 оны зургадугаар сарын 24-ний өдрийн 24:00 минутаас өмнө 2015 оны арванхоёрдугаар сарын 03-ны өдөр баталсан Эрүүгийн хуульд заасан гэмт хэрэг болон Зөрчлийн тухай хуульд заасан зөрчил үйлдсэн хүн, хуулийн этгээдэд хамаарахаар тусгасан.

Уг хуулийн төсөл батлагдсанаар хорих ялаар шийтгүүлсэн 4175 хоригдлоос 150 хоригдол ялаас бүрэн чөлөөлөгдөж, 371 хоригдлын хорих ялыг зорчих эрхийг хязгаарлах ялаар солих, 188 хоригдлын хорих ялаас хоёр жилийг хасч, өсвөр насны 25 хүн, нийт 709 хоригдол хорих ялаас чөлөөлөгдөж, 3466 хоригдол үлдэх бөгөөд зөвхөн тэдний хоол хүнсний зардлаас 1.7 тэрбум төгрөг хэмнэж, үлдсэн хоригдлыг хорих анги, байгууллагын хоригдлын байрны багтаамжид нийцүүлэн тараан байршуулж, халдварт өвчнөөс урьдчилан сэргийлэх боломжтой. Мөн хорихоос өөр төрлийн ялаар шийтгүүлсэн 3682 ялтнаас өршөөлд хамааруулахгүй гэмт хэрэг үйлдэж торгох ял шийтгүүлсэн 118, нийтэд тустай ажил хийлгэх ял шийтгүүлсэн зургаан, эрх хасах нэмэгдэл ял шийтгүүлсэн хоёр, нийт 126 ялтан байгаа гэжээ.

АВЛИГА АЛБАН ТУШААЛЫН ХЭРЭГТ ХОЛБОГДСОН ХЭРЭГТНҮҮД СУЛЛАГДАХГҮЙ

Энэ удаагийн өршөөлийн тухай хуульд авлига албан тушаалын хэрэгт холбогдсон төрийн өндөр дээд алба хашиж байсан хүмүүс хамаарахгү гэдгээрээ онцлогтой болжээ. Энэ талаар Хууль зүй, дотоод хэргийн сайд Х.Нямбаатар "Энэ хуулийг ХЗДХ-ийн яам боловсруулсан. Өмнөх хуулиас хүрээ хязгаарыг нь багасгаснаараа ялгаатай. Учир нь авлига, албан тушаалын хэрэгтнүүдийг суллахгүй. Мөн ФАТФ-ын зөвлөмжөөр эдийн засгийн суурьтай гэмт хэрэгтнүүд огт хамаарахгүй. Нийт ялтны 16.7 хувьд нь хамрагдаж байгаа" гэх тайлбарыг өгөөд байна.

Эргэн сануулахад улс төрийн өндөр, дээд алба хашиж байсан эрхмүүдээс Ерөнхий сайд асан М.Энхсайхан, Ж.Эрдэнэбат сайд асан С.Баярцогт, Б.Болор, Д.Эрдэнэбат, УИХ-ын гишүүн асан А.Ундармаа, Г.Солтан нар анхан болон давж заалдах шатны шүүхээс ял сонсоод байгаа билээ.

ӨРШӨӨЛИЙН ХУУЛЬ: Сэргээш хэрэглэсэн бөхчүүдийн эрх сэргэж, ЖОЛООЧ НАР торгуулиас чөлөөлөгдөнө

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6

Сэтгэгдэл үлдээсэн: 2021-07-01 08:03:31

Zochin: Zureerl uursdiin namihandaa zoriuksan huuli gargah yumdaa huurhii
Сэтгэгдэл үлдээсэн: 2021-07-01 08:02:15

Zochin: Zureerl uursdiin namihandaa zoriuksan huuli gargah yumdaa huurhii
Сэтгэгдэл үлдээсэн: 2021-06-30 10:22:02

iim teneg huuliar yaadag bnaa: hvmvvsd ylgamjtai handaj uursdiin buhchvvdee urshuujdee huurhii
Сэтгэгдэл үлдээсэн: 2021-06-30 10:22:02

iim teneg huuliar yaadag bnaa: hvmvvsd ylgamjtai handaj uursdiin buhchvvdee urshuujdee huurhii
Сэтгэгдэл үлдээсэн: 2021-06-30 10:20:24

irgen: muj maluudaa 100 jil ardiin hvvhdvvdiig chuluul tehvv
Сэтгэгдэл үлдээсэн: 2021-06-30 10:20:23

irgen: muj maluudaa 100 jil ardiin hvvhdvvdiig chuluul tehvv