УИХ-ын чуулганы нэгдсэн хуралдаан эхллээ. Хуралдааны эхэнд Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийж байна. Хэлэлцэж буй асуудалтай холбоотой гишүүп асуулт асууж, хариулт авч байна.

УИХ-ЫН ГИШҮҮН Ё.БААТАРБИЛЭГ:  Энэ хуулийг яаралтай батлах шаардалага бий. Өнөөдөр Засгийн газрын хуралдаанаар эмч, эмнэлгийн ажилчдад нөхөн олговор өгч, цалинг нэмэгдүүлэх санал гаргасан байна. Эмнэлгийн ажилтнаас гадна цар тахлын үед онцгой, цагдаагийн алба хаагчид ажиллаж байгаа. Энэ талаар ярьсан зүйл бий юү.

ЭРҮҮЛ МЭНДИЙН САЙД С.ЭНХБОЛД: Засгийн газрын хуралдаанаар онцгой үед ажиллаж байгаа бүх алба хаагчдын талаар авч хэлэлцсэн. Гэхдээ нэн тэргүүнд улаан бүсэд ажиллаж байгаа эрүүл мэндийн жаилчдын цалинг нэмэгдүүлэх нь зүйтэй гэж үзсэн.Эдгээр хүнд олгох нэг удаагийн хоёр сая төгрөгийн урамшууллыг долоо, наймдугаар сард хоёр хувааж олгоно.