Монгол Улсын Ерөнхийлөгчийн тангараг өргөх ёслол өнгөрсөн долоо хоногот болсон билээ. Шинэ Ерөнхийлөгч тангараг өргөснөөр Х.Баттулгын бүрэн эрхийн хугацаа дууссан юм.  Үүнтэй холбоотойгоор Ерөнхийлөгч асан Х.Баттулгад зориулсан сэтгэлийн үгтэй мэндчилгээ цахим орчинд хөвөрч байна.

УИХ-ын гишүүн А.Адъяасүрэн  цахим хуудастаа Ерөнхийлөгч асан Х.Баттулгад зориулж, ийн бичжээ.

Тэрбээр “Туурга тусгаар Ардчилсан Монгол Улсын тав дахь Ерөнхийлөгч Хонгор нутгийн хүү Халтмаагийн Баттулга танд баярлалаа. Түмний хүндлэл хүлээсэн эв нэгдлийн бэлгэдэл байж чадлаа. Түүхэнд тэмдэглэгдэн үлдэх Монголын бүтээн байгуулалтыг хийлээ. Ард түмэндээ итгэл өгсөн тэргүүн байлаа. Ардчиллын түүхэнд тод мөртэй өнгө байлаа. Монголын төр-Түмэн олныхоо төлөө хийсэн бүхэнд тань дахин талархъя” хэмээн бичжээ.