Монгол Улсын Ерөнхийлөгчийн тангараг өргөх ёслол өчигдөр болсон билээ. Шинэ Ерөнхийлөгч тангараг өргөснөөр Х.Баттулгын бүрэн эрхийн хугацаа дууссан юм.  Үүнтэй холбоотойгоор Ерөнхийлөгч асан Х.Баттулгад зориулсан сэтгэлийн үгтэй мэндчилгээ цахим орчинд хөвөрч байна.

Үүний нэг нь Японы сумо бөхийн их аварга Хакүхо М.Даваажаргалын мэндчилгээ байлаа. Тэрбээр цахим хуудастаа Ерөнхийлөгч асан Х.Баттулгад зориулж, ийн бичжээ.

“Ажил үүргээ нэр төртэй биелүүлж, Монголын төрийн тамгыг ёс төртэй, хүндэтгэлтэй хүлээлгэн өгч үүрэгт ажлаасаа чөлөөлөгдсөн танд эрүүл энх, сайн сайхныг хүсье” гэсэн байна.