Энэ удаагийн "Оюунт Монгол" буландаа "ЛГБТ" төвийн "Залуус" хөтөлбөрийн менежер, хүний эрхийн активист Б.Хулан хүний эрхийг хөндсөн таван бүтээлийг нэрлэлээ.

Margarita with a straw (2014)

        Энэ киног Нетфликсээс үзэх боломжтой. Хөгжлийн бэрхшээлтэй охин Маргаритагийн тухай өгүүлэх бөгөөд Энэтхэгээс АНУ руу явж сурахаар болж, ээжтэйгээ хамт явж буйгаар үйл явдал өрнөнө. АНУ-д тэрбээр сохор бүсгүйтэй танилцан, удалгүй хайр сэтгэлтэй болж хамтран амьдарна. Энэ киноноос хөгжлийн бэрхшээлтэй хүмүүсийн амьдрал төдийгүй тэд бэлгийн цөөнх хүн бол ямар асуудал тулгардаг, хэрхэн даван туулж байгаа талаар энэ киноноос үзээрэй.

Dirty dancing (1987)

    1980-аад оны кино хэдий ч хүний эрх талаасаа маш хөгжингүй, сайн зохиолтой кино санагдсан. Уг кинонд баян болон ядуугийн зөрчил, эрэгтэй ба эмэгтэй хүмүүст нийгмээс өөрөөр ханддаг байдал бас үе үеийн хүмүүс хэрхэн өөрчлөгдөж байгааг маш тодоор харж болно. Бүжигт дуртай хүмүүст бүр ч таалагдах байх.

Avatar Aang (2005)

           Миний хамгийн дуртай бас хайртай анимейшн. Зохиол нь бүр маш сайн, дүр болгон нь өөр өөрийн онцлогтой. Ялангуяа ихэнх зохиолчдын анзааралгүй мартчихдаг зүйлсийг огт марталгүй гаргажээ. Жишээ нь: эмэгтэй дүрүүд нь бүгд өөр өөрийн түүхтэй, зан араншинтай бас онцлогтой. Эмэгтэй дүр болгон зоримог бас хүчтэй. Гэтэл ихэнх контентод маш цөөхөн эмэгтэй дүр байдаг бөгөөд дүрийн түүх бас зорилго гэх мэт юм байдаггүй. 2021 онд хүртэл шүү дээ.

In the fade (2017)

          Киноны ихэнх хэсэг нь шүүхийн танхимд болж өнгөрдөг. Бас хууль хэчнээн сайн байсан ч төгс байдаггүйг харуулсан санагдсан. Бүгд л нацистуудыг буруу гэдгийг мэддэг ч хуулиар “тултал нь” гэм хортойг нь нотлоогүй бол хохирогч тал хохироод л үлдэнэ. Үзэн ядагчид ямар аюултай гээч. Харамсалтай нь одоог хүртэл нацистууд, расистууд, хомофобик хүмүүс оршсоор л байна…

Ma vie en Rose (1997)

           Дээр үеийн Франц кино л доо. Ээж аав, гэр бүлийнхэн хүүхдээ хэрхэн байгаагаар нь л хүлээж авч, хайрлах тухай өгүүлдэг. Хүүхэд хайрлагдах гэж төрсөн боловч том хүмүүсийн мэдлэггүй, ойлголтгүй байдлаас болж яасан их шаналж, өөрийгөө буруу гэж бодож зовдог бол. Тийм хэдий ч энэ кино их гэгээлэг талаас нь харуулсан болохоор зовж үзэхгүй кинонуудын нэг шүү. Ёстой хөөрхөн охины талаар гардаг. Миний хайртай кино, хайртай дүр, хайртай охин юм байгаа юм.