Монголын анхны "Балдорж" шагналт редакц, МСНЭ-ийн 2021 оны "Монголын шилдэг мэдээллийн сайт" Эргэлт.мн мэдээллийн сайтын хоёр жилийн ойд зориулан бүтээсэн "Эргэлт" сэтгүүлч уншигчдын гарт хүрэхэд бэлэн болоод байна. "Эргэлт" сэтгүүлд нийтлэл, ярилцлага, хөрөг, тэмдэглэл, сурвалжилга, эрэн сурвалжлах сурвалжилга, аян замын тэмдэглэл, орчуулга тэргүүтэй сэтгүүл зүйн бүх төрлийг багтаасан 116 бүтээлийг 342 хуудаст баринтагласан юм.

Тэгвэл энэ удаад "Эргэлт" сэтгүүлээс онцлох долоон залууг уншигч та бүхэнд танилцуулж байна.

ТӨ.БЯМБАСҮРЭН: БИ ӨӨРИЙГӨӨ ЯРУУ НАЙРАГЧ ГЭЖ БОДДОГГҮЙ

"Үдэлт", "Өнө удаан" шүлгийн түүврээрээ Монголын яруу найрагт хүч түрэн гарч ирж буй эмч, яруу найрагч Тө.Бямбасүрэнтэй ярилцсан юм.

ӨНӨӨ ЦАГИЙН ОСКАР ШИНДЛЕР

"Лантуун дохио" ТББ-ыг үүсгэн байгуулж, түүний дэргэд  “Үүжгэнэ жүүжгэнэ өглөөний клуб”, "Хамтын халуун сэтгэл", "Bright Mongolia”, “Кофе Монголиа”, "Self Publish Ulaanbaatar”, “Номын жор уулзалт” зэрэг клуб, байгууллагыг байгуулж, нийгэм дэх залуусын оролцоо, хүүхдийн хамгааллын түүчээ болж яваа Ч.Ганжавхланг онцоллоо.

ROOCKIE: Хайрын дуу, эсрэг дүр хоёр л хүний сэтгэлд үлддэг

Орчин цагийн Монголын реп, хип хоп урсгалын нэг тод өнгө Roockie буюу У.Мөнхбаганыг "Залуус" буландаа онцлон хүргэж байна.

ЗАГВАР ӨМСӨГЧ Э.ЭНХБОЛД: БИ АМЬДРАЛЫНХАА БҮХИЙ Л ҮНЭ ЦЭНТЭЙ ЗҮЙЛИЙГ ЗАГВАРЫН САЛБАРААС ОЛСОН

"Couture” хувцасны брэнд болон “Warm house” үйлдвэрийн үүсгэн байгуулагч, загвар өмсөгч, топ модель Э.Энхболдтой ярилцсан билээ.

БАЛЕТЧИН О.АНУЖИН: Хөл хугарч, нуруу минь татсан ч тайзан дээр гарах үүрэгтэй билээ

Монгол Улсын Гавьяат жүжигчин, ДБЭТ-ын гоцлол бүжигчин О.Анужинг онцолж байна.

КАДРЫН ЗАГВАРУУД ОЛОН УЛСЫН УЛААН ХИВСНИЙ ЁСЛОЛ ДЭЭР ЯМАР ХАРАГДАХЫГ ХАРАХЫГ, МЭДРЭХИЙГ ХҮСЭЖ БАЙНА

"Кадр" брэндийн үүсгэн байгуулагч Б.Энхбаатартай хөөрөлдсөн ярилцлагыг таны өмнө дэлгэхэд бэлэн болоод байна.

Ж.ТЭГШЗАЯА: Би уран зохиолын орчуулагч болсондоо харамсаж байгаагүй

"Тэвчихийн аргагүй хөнгөн оршихуй", "Хувирал тэргүүт тууж, өгүүллэг" орчуулгын номуудаа эчнээ олны танил болсон "Нил" паблишингийн үүсгэн байгуулагч, орчуулагч Ж.Тэгшзаяаг "Залуус" буландаа онцоллоо.