Сурагчдын зуны амралтаар уншихад тохиромжтой монголын уран  зохиолын бүтээлүүдээс хүргэж байна.

     Гэсэр, Жангар, Монголын нууц товчоо зэрэг уламжлалт томоохон бүтээлүүдийг хүүхдэд ойлгомжтой үг, дүрслэл ашиглан шинэчлэн гаргасан. Мөн зууны чухал эрхмүүд болох Д.Нацагдорж, Н.Норовбанзад нарын намтар түүхийг уншуулж хүүхдийнхээ оюунд  хөрөнгө оруулалт хийгээрэй.

-ГЭСЭР ТУУЖ- 

     Гэсэр тууль нь, орчлон дэлхий үймээн самуунтай цагт Хурмаст тэнгэрийн хүү Гэсэр амаржуулан төвшитгөхөөр бууж ирээд, муу бүхнийг дарж байгаа тухай өгүүлдэг баатарлаг тууль билээ. Үйл явдал хэдий ийм ч үнэт зүйл, ёс суртахууны зүйлсийг тодруулан дүрсэлж, бүхний учир шалтгааныг тайлбарлан таниулснаараа онцлог юм.

-ЖАНГАР ТУУЖ-

Энэ бүтээлд монгол туургатны их туулсын зохиол "Жангар"-ын сонгодог хувилбар болсон Халимагийн арван гурван бүлгийг оруулжээ. Халимаг "Жангар" нь шинжлэх ухааны эргэлтэд хамгийн эрт орсон бөгөөд үгийн уран, шүлгийн тансаг болсон шилдэг туурвил юм. Монгол түмний баатарлагийн тууль бол ямар ч нөхцөлд үл алдрах тэсвэр тэвчээр, эрэлхэг, тууштай зан чанарын магтуу болохыг "Жангар" туулиас бүрэн дүүрэн харж болно. "Жангар" туулийн үндсэн санаа нь энх тайвныг тогтоох их эрмэлзлэл, эв нэгдлийн тунхаглал юм. 

-МОНГОЛЫН НУУЦ ТОВЧОО-

“Монголын нууц товчоо”-г сонгодог эхээр нь уншихад хүүхэд, залуучууд ойлгоход маш хүнд байдаг. Тэгвэл  энэ бүтээл нь хүүхдэд зориулсан, маш энгийн, ойлгомжтой, уншихад хүнд үг хэллэггүйгээрээ онцлог аж. 

-Д.НАЦАГДОРЖ НАМТТАР-

  Д.Нацагдорж бол шинэ үеийн уран зохиолын үндэслэгч учир монгол хүүхдийн нэн тэргүүнд мэдэх ёстой гэж үзээд Монсудар хэвлэлийн газрын хүүхдийн номын "Жангар" редакцаас “Монгол хүн” төслийн хүрээнд хэвлэн гаргажээ.

-Н.НОРОВБАНЗАД НАМТАР-

-Дэлхийд монгол гэдгээрээ ялгарах ганц зүйл бол уртын дуу. Уртын дууны дэг сургуулийг бий болгож баяр наадмаас тайзны урлаг болгосон хүн бол Н.Норовбанзад гуай юм.