• Өнөөдөр 2022-06-30

ШИНЭ НОМ: ГОО ҮЗЭСГЭЛЭН БОЛ ШАРХ

2022-05-19,   145

      Орчуулагч Ж.Тэгшзаяа ээлжит орчуулгын ном болох “ ГОО ҮЗЭСГЭЛЭН БОЛ ШАРХ” дэлхийн шилдэг хайрын өгүүллэгийн түүврээ хэвлэлтэд өгчээ.

      Тус номыг Нил паблишинг эрхлэн хэвлэж байгаа бөгөөд энэхүү ном нь хайр дурлалын тухай сэтгэл догдлом, мөнхүү сэтгэл шаналгам баялаг түүхүүдийг үе үеийн хүчирхэг хүүрнэлчид, үгийн урлагийн сод төлөөлөгчдийн туурвиснаар багтсан байна. Орчуулагч Ж.Тэгшзаяа шинэхэн орчуулгын түүврийн талаар “Хайр гээч зүйлийг уран зохиолын ай сав дотроос ийм олон янзын дүрслэл, өгүүлэмж, үйл явдлаар хөвөрдөн уншихаар ёстой л жигтэй сонин, үнэхээр сайхан мэдрэмж төрдөг юм билээ. Харүки Мүраками, Милан Кундера, Хунот Диаз, Июнь Ли, Раймонд Карвер, Эктар Керет, Лори Мур зэрэг орчин цагийн гарамгай зохиолчдийн хайрын тухай өгүүллэгүүдийг эмхтгэн багцалсан яг ийм ном дэлхийн өөр хаана ч байхгүй гэж санахаас бас баясалтай. Өгүүллэгийн түүврийн нэг онцлог бас энэ юм. Сонголт, шилэлтээрээ дэлхийн өөр хаана ч байхгүй цор ганц ном бүтээх боломжтой болдог. ГОО ҮЗЭСГЭЛЭН БОЛ ШАРХ маань яг л тийм ном боллоо” хэмээн бичсэн байна.


ШИНЭ НОМ: ГОО ҮЗЭСГЭЛЭН БОЛ ШАРХ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188