Энэ удаагийн “Оюунт Монгол” буландаа Төрийн соёрхолт зураач Ц.Цэгмидийг урьж, оролцууллаа. Тэрбээр уран зураг сонирхдог залуус болон уран бүтээлчдийг үзээсэй гэж хүсдэг зургуудаасаа нэрлэн утга, агуулгынх нь талаар тайлбарласан юм. 

                  Тэрбээр “Би уран бүтээлээрээ янз бүрийн бэлгэдэл болон хүмүүст сайхан энерги өгөхийг зорьж, ажилладаг. Би өөрийнхөө зургийг “Монгол уран зураг” гэж тодорхойлж байгаа. Ер нь бол миний бэлгэдлээр хүнд сайн сайхныг авч ирэх зургууд гэж бий. Мэдээж сайн сайхан, гоё уран зураг зурдаг зураач Монголд олон бий. Урлаг болсон уран зураг худалдаж авах юм бол эзэндээ ээлтэй хандаж, амьдрал тэгшрэхэд далд ертөнцийн энергиэрээ харилцаж, нөлөөлж байдаг. Нэг үгээр бол амьд урлаг. Гэхдээ зураг бүхэн амьд урлаг байж чадахгүй. Энерги нь сул дорой ч юм уу, бүтэл муутай байх нь бий. 

Би зургаа яагаад “Монгол уран зураг” гэж нэрлэсэн юм бэ гэхээр тэнгэрийн санаа орсон болов уу хэмээн боддог. Уран зураг гэдэг үг ямар утгатай вэ гэвэл урлагийн илэрхийлэл юм. 

               -Монголчуудын зурж байгаа орчин үеийн зураг дэлхийн сонгодог зургаас юугаараа ялгаатайг хэлж өгье. Дэлхийн сонгодог зураг бодит зүйлийг дууриагаад адилхан, махчлаад зурах үндсэн дээр бүтээгдсэн байдаг. Одоо бол фото зураг гараад ирсэн. Тиймээс бодит зургийг урлаг биш гэдэг ойлголт гараад буй юм. Тэгээд юу нь урлаг юм бэ гэхээр өөрийнхөө оюун ухаанаар бодож, сэтгэж, сэтгэл, зүрхээ зориулсан зураг бол урлаг юм. “Урлаг урлагийнхаа төлөө байдаг” гэдэг үг бий.

Уран зураг бол загвар хийц, хүний төлөө хийгдэж байгаа бүтээгдэхүүн огт биш

             Энэ юу гэсэн үг вэ гэхээр далд ертөнцийн хий орон зай, бурхан, тэнгэртэй холбоотой гэдгийг л хэлж байгаа юм. Тиймээс хий орон зайгаас орж ирсэн онгод тэнгэрийн хүчийг дүрс болгон зурж байгаа юм болов уу гэж би итгэдэг. Үүгээрээ ч монгол уран зураг онцлогтой юм. Яагаад би өөрийнхөө зургийг “Монгол уран зураг” гэж нэрлэсэн юм бэ гэхээр тэнгэрийн санаа орсон болов уу хэмээн боддог. Уран зураг гэдэг үг ямар утгатай вэ гэвэл урлагийн илэрхийлэл юм. Түүнээс биш загвар хийц, хүний төлөө хийгдэж байгаа бүтээгдэхүүн огт биш” хэмээгээд өөрийнхөө хоёрыг зураг тайлбарлаж өгсөн юм.

Тухайн үед ирсэн тэнгэрийн санааг дамжуулж байгаа гэдэг утгаараа юу илэрхийлж буйгаа зурж байхдаа ойлгодоггүй       

                    -Энэ зурагны суурь өнгө нь шаравтар туяатай байна гэхээр хүнд аз жаргалын мэдрэмж бүрэлдсэн гэсэн үг. Ер нь шар өнгө хүнд ялалт, амжилтын сэтгэгдэл төрүүлж байдаг. Энэ зурагны голд хөх туяатай цэнхэр өнгө байгаа нь оюун санааны мэдрэмжийг өгүүлж буй тэнгэрийн санааны илэрхийлэл. Мөн энэхүү зурган дээрх хамгийн гол зүйл бол зургаан хүн өлзий утсан хээгээр дүрслэгдэж, тойрон бүжиглэж буй юм. Эдгээр нь гурав, гурваараа хосолсон араг, билгийн илэрхийлэл байж болно. Гэвч энэ дүрсүүдийг залуус өөр ойлгож, мэдэрч болох юм. Яагаад гэхээр би зургаа бодож зурдаггүй. Тухайн үед ирсэн тэнгэрийн санааг дамжуулж байгаа гэдэг утгаараа юу илэрхийлж буйгаа зурж байхдаа ойлгодоггүй” гэлээ.

             Хийморийн морь бол хүний сэтгэлийн эрч хүчийг бэлгэдсэн. Тэр хийморь нь шувуу мэт эрх чөлөөтэй дүүлэн нисэж буй юм. Тэгээд гурван тэмээ нь чанадын бэлгэдэл. Энэ нь үргэлж аз жаргалтай байхыг хэлж байгаа юм л даа. Харин нохой бол хүний үнэнч анд нөхөр. Энэ бүхэн зураачдын сэтгэлгээний суурь бөгөөд тэнгэрийн санааны бүрэлдүүлэгч эрчим хүч” хэмээсэн юм.