Коронавирусийн эсрэг вакцин болох модернагийн талаар бид өмнө нь мэдээлж байсан билээ. Тус вакциныг үйлдвэрлэгч “Модерна” компанийн зүгээс Америк болон Европын орнуудад яаралтай зохицуулах журмаар туршилтын мРНХ вакцины өгөгдлийг судалж, аюулгүй бөгөөд үр дүнтэй эсэхийг шалган зах зээлд нийлүүлэх баталгаа гаргаж өгөхийг хүсчээ.

       Модерна компанийн зүгээс “30 мянган сайн дурын ажилтан, түүний дотор өндөр настан буюу эмзэг бүлгийнхний талаарх мэдээллийг хамгийн сайн мэдэж байгаагийн хувьд Их Британи хамгийн түрүүнд баталгаа гаргаж өгнө” хэмээн найдаж байгаагаа мэдээлээд буй.

       Тус судалгаанд оролцсон сайн дурынхны 15 мянга гаруй нь жинхэнэ Модерна вакцинд хамрагдсан бол бусад нь Плацебо нэртэй тарилга тариулсан байна. “Уг судалгааны үеэр ямар нэгэн гаж нөлөө илрээгүй” гэж албаныхан баталсан. Харин Модерна вакцинтай ижил төстэй Pfizer вакцин нь АНУ-ын зөвшөөрлийг авахаар өргөдлөө өгөөд байгааг эх сурвалжууд онцолж буй.  Одоогоор вакцины зөвшөөрөл авахаар бэлдсэн АНУ, Их Британи, Герман, ОХУ-ын вакцинууд хоёр тунгаар хүний биед 62-95 хувийн нөлөө үзүүлж байгаа нь баталгаажаад байгаа билээ.