• Өнөөдөр 2021-03-07

Зэсийн үнэ сүүлийн есөн жилд анх удаа 9000 ам.доллар давлаа

2021-02-22,   398

-ЗЭСИЙН ҮНИЙН ӨӨДРӨГ ТААМАГЛАЛУУД МЕТАЛЛЫН ЗАХ ЗЭЭЛД НАЙДВАР ТӨРҮҮЛЖ БАЙНА-

Зэсийн үнэ 9000 ам.доллар давлаа. Тодруулбал, Лондоны Металлын бирж дээр  даваа гарагийн өглөө зэсийн үнэ нэг тонн нь 9187.50 ам.долларт хүрчээ. Энэ нь 2011 оны есдүгээр сараас хойших хамгийн өндөр үнэ аж.

Зэсийн үнийн уг өсөлтийг шинжээчид зах зээлд нийлүүлэлт буурч, хомсдол үүсэх эрсдэлтэй холбон тайлбарлаж буй. Түүнчлэн дэлхий даяар сэргээгдэх эрчим хүчний эх үүсвэрүүдийн хэрэглээг нэмэгдүүлэх, эрчим хүчинд шилжих зорилт тавиад байгаа. Үүнд шаардлагатай гол түүхий эд болох зэс, никелийн үнэ огцом өсөж байна хэмээн тайлбарлаж буй. 2022 оноос хойш зэсийн хомсдол үүсэж эхлэх ба энэ нь нэг талаас Энэтхэгт хэрэглээ өсөж, цахилгаан автомашин, сэргээгдэх эрчим хүчний үйлдвэрлэл эрчимжихтэй холбоотой гэж шинжээчид таамагласан байдаг.

Өнгөрсөн 2019 оны дөрөвдүгээр сараас хойш зэсийн үнийн өсөлт сайн байгаа нөхцөлд зэсийн баяжмалын экспортоос 2020 онд 1.6 тэрбум ам.долларын орлого олсон гэх мэдээ бий.

Ташрамд дурдахад, нэг мегаваттын хүчин чадалтай сэнс хийхэд есөн тонн зэс ордог байна. Түүнчлэн олон улсын шинжээчид зэсийн ханш цаашид ч буурахгүй хэмээн дүгнэж байгаа аж. Энэ мэт өөдрөг таамаглалууд металлын зах зээлд томоохон сэргэлт гарах найдвар төрүүлж байна.

Зэсийн үнэ одоогийн байдлаар... 2021.02.22 16:24


Зэсийн үнэ сүүлийн есөн жилд анх удаа 9000 ам.доллар давлаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414