Австрали Улсын нүүрсний импортод хориг тавьснаа БНХАУ-ын Засгийн газар албан ёсоор мэдэгджээ. Үндэсний хөгжил, Шинэтгэлийн хороо эрчим хүчний нөлөө бүхий 10 компанитай хийсэн уулзалтын үеэр Австралиас бусад нүүрс нийлүүлэгч орны нүүрсэнд хязгаарлалт тавихгүй оруулахыг мэдэгдсэн байна. Үүнд Монгол, Индонез болон ОХУ тэргүүтэй бусад эрчим хүчний компаниас нэг тонн нүүрсийг  640 юан буюу 97.8 доллароос хэтрэхгүй байх санал дээр тохиролцсон байна. Австралийн эрэг дээр гацсан хэдэн зуун тонн нүүрс Бээжин дэх худалдааны маргааныг улам дэвэргэж буй аж. Арваннэгдүгээр сард Австралийн 60 гаруй нүүрс тээвэрлэгчид БНХАУ-ын боомт дээр гацаад байсан юм. Арваннэгдүгээр сарын сүүлчээр нэг тонн нүүрсний үнийг нэмсэн нь үнийн хөөрөгдөл үүсгэж магадгүй гэж үзсэн байх талтай хэмээн мэргэжилтнүүд үзжээ. Австралийн Худалдааны сайд Саймон Бирмингэн энэ асуудалд санаа зовж буйгаа илэрхийлсэн ба цар тахлын улмаас хоёр улсын дунд үүсээд буй худалдааны маргааныг уулзаж шийдэх боломжгүй болж байна. 

Эх сурвалж: Guardian.com