Хууль зүй, дотоод хэргийн сайд Х.Нямбаатар сайд мэдээлэл өглөө. Тэрбээр “Намайг зохион байгуулалттайгаар “Андын илч” ХХК-тай холбоотой зүйлийг асуугаад байна гэж ойлгож байна. Би Эрүүгийн цагдаагийн газарт мэдээлэл хүргүүлье. Их хурлын гишүүдийг одоогоор бүрэн эрхийг нь түдгэлзүүлж оруулж ирж байгаа асуудлыг сонсоогүй. Бидэнд өгсөн үүрэг чиглэлийн дагуу “Андын илч” ХХК-ийн асуудлаар 30 гаруй хүнд эрүүгийн хэрэг үүсгээд шалгаад явж байна. Нэмж арав гаруй хүнийг шалгах шаардлагатай гэх зүйл яригдсан. Энд гарч байгаа ихэнх тохиолдолд өр барагдуулах чиглэлээр хүний эрх, эрх чөлөө халдсан гэмт хэргүүд бий. Мөн хууль бусаар өөрсдийгөө зэвсэглэсэн, зохион байгуулалттай гэмт бүлэг байгуулах чиглэлээр үгсэж ажилласан, хүмүүсийг элсүүлсэн зүйл тогтоогдсон. Дээр нь бусдын эрхэд халдах, бизнесийнх нь үйл ажиллагааг тасалдуулсан үйлдэл дээр дээрх хүмүүсийг шалгаж байна” гэв.