"Рио Тинто" компанийн Зэсийн группийн гүйцэтгэх захирал Б.Болд энэ сарын сүүлээр Улаанбаатар хотод тус компанийг төлөөлөн ирэхээр болжээ. Тодруулбал, Оюутолгой төслийн хөрөнгө оруулалтын гэрээ болон далд уурхайн бүтээн байгуулалт, санхүүжилтийн төлөвлөгөөг сайжруулах чиглэлд хөрөнгө оруулагч талууд хэлэлцээ хийж байгаа. Үүнд Монголын талаас ажлын хэсгийн ахлагчаар Хууль зүй, дотоод хэргийн сайд Х.Нямбаатар, "Рио Тинто"-гийн талаас Зэсийн группийн гүйцэтгэх захирал Б.Болд нар ажиллаж байгаа. Тэгвэл энэ сарын сүүлээр "Рио Тинто"-гийн Зэсийн группийн гүйцэтгэх захирал Б.Болдоор ахлуулсан баг Монголд ирж, талууд Оюутолгойн хөрөнгө оруулалтын гэрээг сайжруулах асуудлаар уулзалт хийх юм байна.

Монголын Засгийн газраас Далд уурхайн бүтээн байгуулалт, санхүүжилтийн төлөвлөгөө буюу Дубайн гэрээг цуцлах, төслийн үр өгөөжийг сайжруулах, ашгийн татварыг төлөх зэрэг тодорхой шаардлагуудыг хүргүүлсэн. Энэ хүрээнд талууд Дубайн гэрээг цуцлахаар тохиролцсоныг өнгөрсөн долоо хоногт Засгийн газрын тэргүүн дэд дарга Б.Солонгоо мэдээлсэн билээ.