• Өнөөдөр 2026-04-21

“Оюу Толгой” компани татварын актын үлдэгдэл 419 тэрбум төгрөгийг Төрийн санд шилжүүлжээ

2021-03-04,   1076

"Оюу толгой" компани Татварын ерөнхий газраас тавьсан актыг бүрэн хэрэгжүүлж, Монгол Улсын Төрийн санд өнөөдөр 419 тэрбум төгрөгийг шилжүүлжээ. 

Татварын Ерөнхий Газраас “Оюу Толгой” компанид 2020 оны арванхоёрдугаар сарын 24-нд 228 сая ам.доллар буюу 649 тэрбум төгрөгийн татварын акт тавьсан. Тэгвэл тус компани актад тавьсан дүнгийн 230 тэрбум төгрөгийг хоёрдугаар сарын 26-нд Төрийн санд шилжүүлсэн бол өнөөдөр үлдэгдэл 419 тэрбум төгрөгийг шилжүүлжээ. Ингэснээр 2016-2018 оныг хамарсан татвартай холбоотой өр төлбөрийг бүрэн барагдуулж байна. 

Түүнчлэн Оюутолгой төслийн Далд уурхайн бүтээн байгуулалтын санхүүжилтийн төлөвлөгөө буюу Дубайн гэрээг хууль зөрчсөн хэмээн үзэж, Монгол Улсын хууль тогтоомжид нийцүүлэн сайжруулах УИХ-ын тогтоол гарсан. Тэгвэл ЗГХЭГ-ын Гадаад төсөл, хамтын ажиллагаа эрхэлсэн дэд дарга Б.Солонго Японы Nikkei Asia сонинд өгсөн мэдээллээр Дубайн гэрээг цуцалж, шинээр гэрээ байгуулах талаар талууд тохиролцож байгаа юм.

 


“Оюу Толгой” компани татварын актын үлдэгдэл 419 тэрбум төгрөгийг Төрийн санд шилжүүлжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2021-03-04 22:42:40
    Зочин : Монголын Засгийн газраас буцаагаад хүүтэй төлүүлж авна даа
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.