"АРД ДААТГАЛ" ХК ТЭРБУМ ТӨГРӨГИЙН НОГДОЛ АШИГ ТАРААНА

"Ард Даатгал” ХК-ийн ТУЗ-ийн 2021 оны хоёрдугаар  сарын 10-ны өдрийн №01/21 тоот тогтоолоор 2020 оны цэвэр ашгаас нэгж хувьцаанд 40 төгрөг буюу нийт нэг тэрбум төгрөгийг хувьцаа эзэмшигчдэдээ ногдол ашиг болгон тараахаар боллоо.

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг 2021 оны гуравдугаар сарын 31-ний өдрөөр тооцох бөгөөд 2021 оны долдугаар  сарын 30-ны дотор "ҮЦТХТ" ТӨХХК-ийн дансанд шилжүүлэхээр шийдвэрлэсэн байна. 

Э-ТРАНС ЛОЖИСТИКС” ХК 231 САЯ ТӨГРӨГИЙН  НОГДОЛ АШИГ ТАРААНА

"Э-Транс Ложистикс” ХК-ийн Төлөөлөн удирдах зөвлөлийн 2021 оны хоёрдугаар  сарын 18-ны өдрийн №01 тоот тогтоолоор 2020 оны цэвэр ашгаас нэгж хувьцаанд таван төгрөг буюу нийт 231 сая төгрөгийг хувьцаа эзэмшигчдэдээ ногдол ашиг болгон тараахаар шийдвэрлэсэн бөгөөд энэ нь нийт цэвэр ашгийн 85 хувьтай тэнцэж байна.

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг 2021 оны хувьцаа эзэмшигчдийн ээлжит хуралд оролцох бүртгэлийн өдрөөр гаргах бөгөөд 2021 оны долдугаар сарын 30-ны өдрийн дотор "ҮЦТХТ" ТӨХХК-ийн дансанд шилжүүлэхээр шийдвэрлэсэн байна. 

“ДАРХАН НЭХИЙ” ХК 250 САЯ ТӨГРӨГИЙН НОГДОЛ АШИГ ТАРААХААР БОЛЛОО

"Дархан нэхий” ХК-ийн Төлөөлөн удирдах зөвлөлийн 2021 оны хоёрдугаар  сарын 18-ны өдрийн №02 тоот тогтоолоор 2020 оны цэвэр ашгаас нэгж хувьцаанд 0.227 төгрөг буюу нийт 250 сая төгрөгийг хувьцаа эзэмшигчдэдээ ногдол ашиг болгон тараахаар боллоо. 

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг хувьцаа эзэмшигчдийн ээлжит хурлын бүртгэлийн өдрөөр тогтоох бөгөөд 2021 оны арванхоёрдугаар сарын 31-ний өдрийн дотор "ҮЦТХТ" ТӨХХК-иар дамжуулан хувьцаа эзэмшигчдийн дансанд байршуулахаар шийдвэрлэв. 

“АДУУНЧУЛУУН” ХК 126 САЯ ТӨГРӨГИЙН НОГДОЛ АШИГ ТАРААХААР БОЛЛОО

"Адуунчулуун” ХК-ийн Төлөөлөн удирдах зөвлөлийн 2021 оны хоёрдугаар сарын 18-ны өдрийн №21/01 тоот тогтоолоор 2020 оны цэвэр ашгаас нэгж хувьцаанд 40 төгрөг буюу нийт 126 сая төгрөгийг хувьцаа эзэмшигчдэдээ ногдол ашиг болгон тараахаар боллоо. 

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг хувьцаа эзэмшигчдийн ээлжит хурлын бүртгэлийн өдрөөр тогтоох бөгөөд 2021 оны зургадугаар сарын 30-ны өдрийн дотор "ҮЦТХТ" ТӨХХК-иар дамжуулан хувьцаа эзэмшигчдийн дансанд байршуулахаар шийдвэрлэв. 

“МОНГОЛЫН ЦАХИЛГААН ХОЛБОО” ХК 25.8 САЯ ТӨГРӨГИЙН НОГДОЛ АШИГ ТАРААНА

"Монголын цахилгаан холбоо” ХК-ийн Төлөөлөн удирдах зөвлөлийн 2021 оны хоёрдугаар сарын 18-ны өдрийн №01 тоот тогтоолоор 2020 оны цэвэр ашгаас нэгж хувьцаанд нэг төгрөг буюу нийт 25.8 сая төгрөгийг хувьцаа эзэмшигчдэдээ ногдол ашиг болгон тараахаар боллоо. 

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг хувьцаа эзэмшигчдийн ээлжит хурлын бүртгэлийн өдрөөр тогтоох бөгөөд 2021 оны зургадугаар сарын 1-ний өдрөөс эхлэн "ҮЦТХТ" ТӨХХК-иар дамжуулан хувьцаа эзэмшигчдийн дансанд байршуулахаар шийдвэрлэв. 

“БАЯНТЭЭГ” ХК  25.2 САЯ ТӨГРӨГИЙН НОГДОЛ АШИГ ТАРААХААР БОЛЛОО

"Баянтээг” ХК-ийн Төлөөлөн удирдах зөвлөлийн 2021 оны хоёрдугаар сарын 15-ны өдрийн №05 тоот тогтоолоор 2020 оны цэвэр ашгаас нэгж хувьцаанд 100 төгрөг буюу нийт 25.2 сая төгрөгийг хувьцаа эзэмшигчдэдээ ногдол ашиг болгон тараахаар боллоо. 

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг хувьцаа эзэмшигчдийн ээлжит хурлын бүртгэлийн өдрөөр тогтоох бөгөөд 2021 оны арванхоёрдугаар сарын 1-ний өдөр "ҮЦТХТ" ТӨХХК-иар дамжуулан хувьцаа эзэмшигчдийн дансанд байршуулахаар шийдвэрлэв. 

"ТҮМЭН ШУВУУТ" ХК 1.6 ТЭРБУМ ТӨГРӨГИЙН НОГДОЛ АШИГ ТАРААХААР БОЛЛОО

"Түмэн шувуут” ХК-ийн Төлөөлөн удирдах зөвлөлийн 2021 оны нэгдүгээр сарын 27-ны өдрийн №01/2021 тоот тогтоолоор 2020 оны цэвэр ашгаас нэгж хувьцаанд найман төгрөг буюу нийт 1.6 тэрбум төгрөгийг хувьцаа эзэмшигчдэдээ ногдол ашиг болгон тараахаар шийдвэрлэсэн бөгөөд энэ нь нийт цэвэр ашгийн 40 хувьтай тэнцэж байна.

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг 2021 оны хувьцаа эзэмшигчдийн ээлжит хуралд оролцох бүртгэлийн өдрөөр гаргах бөгөөд 2021 оны тавдугаар сарын 12-ны өдрөөс эхлэн "ҮЦТХТ" ТӨХХК-ийн дансанд шилжүүлэхээр шийдвэрлэсэн байна. 

“АПУ” ХК 61.2 ТЭРБУМ ТӨГРӨГИЙН НОГДОЛ АШИГ ТАРААНА

"АПУ" ХК-ийн Төлөөлөн удирдах зөвлөлийн 2021 оны хоёрдугаар  сарын 15-ны өдрийн 21/01 тоот шийдвэрээр компанийн 2020 оны хоёрдугаар хагас жилийн үр дүнд үндэслэн нэгж хувьцаанд 57.5 төгрөг буюу нийт 61.2 тэрбум төгрөгийн ногдол ашиг хуваарилахаар шийдвэрлэсэн байна. Энэхүү ногдол ашиг авах эрхтэй хувьцаа эзэмшигчдийн жагсаалтыг 2021 оны хувьцаа эзэмшигчдийн ээлжит хурлын бүртгэлийн өдрөөр тогтоож, ногдол ашгийг 2021 оны арванхоёрдугаар сарын 31-ний өдрийн дотор Үнэт Цаасны Төвлөрсөн Хадгаламжийн Төв дэхь хувьцаа эзэмшигчдийн дансанд байршуулахаар боллоо.

2020 он гарснаас хойш компаниас нэгж хувьцаа тус бүрт нийт 95 төгрөг буюу 101.1 тэрбум төгрөгийн ногдол ашиг хуваарилж байгаа бөгөөд энэ нь тухайн жилийн нэгж хувьцаанд ногдох цэвэр ашгийн 120 орчим хувьтай тэнцэх тул тодорхой хувийг өмнөх жилүүдийн хуримтлагдсан ашгаас тооцож санхүүжүүлэхээр болсон байна.

“УЛААНБААТАР БҮК” ХК 3.9 ТЭРБУМ ТӨГРӨГИЙН НОГДОЛ АШИГ ТАРААХААР БОЛЛОО

"Улаанбаатар БҮК” ХК-ийн ТУЗ-ийн 2021 оны хоёрдугаар  сарын 9-ний өдрийн №2021/02 тоот тогтоолоор 2020 оны цэвэр ашгаас нэгж хувьцаанд 30 төгрөг буюу нийт 3.946.425.000 төгрөгийг хувьцаа эзэмшигчдэдээ ногдол ашиг болгон тараахаар боллоо.

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг 2021 оны хувьцаа эзэмшигчдийн ээлжит хуралд оролцох бүртгэлийн өдрөөр гаргах бөгөөд 2021 оны зургадугаар  сарын  1-ний өдрөөс эхлэн "ҮЦТХТ" ТӨХХК-ийн дансанд шилжүүлэхээр шийдвэрлэсэн байна. 

“АРД КРЕДИТ ББСБ” ХК  НЭГ ТЭРБУМ ТӨГРӨГИЙН НОГДОЛ АШИГ ТАРААНА

"Ард Кредит ББСБ” ХК-ийн ТУЗ-ийн 2021 оны хоёрдугаар сарын 11-ний өдрийн №2021/08 тоот тогтоолоор 2020 оны жилийн эцсийн санхүүгийн тайланд тусгагдсан цэвэр ашгийн дүнгийн 49.79 хувь  буюу нэгж хувьцаанд 3.57 төгрөг, нийт нэг тэрбум төгрөгийг хувьцаа эзэмшигчиддээ ногдол ашиг болгон тараахаар болжээ. 

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг 2021 оны дөрөвдүгээр сарын 9-ний өдрөөр тооцно. 2021 оны зургадугаар  сарын 30-ны өдрийн дотор "ҮЦТХТ" ТӨХХК-ийн дансанд шилжүүлэхээр шийдвэрлэсэн байна.

 “БОДЬ ДААТГАЛ” ХК 1.1 ТЭРБУМ ТӨГРӨГИЙН НОГДОЛ АШИГ ТАРААНА

"Бодь даатгал” ХК-ийн ТУЗ-ийн 2021 оны хоёрдугаар сарын 10-ны өдрийн №01 тоот тогтоолоор 2020 оны цэвэр ашгаас нэгж хувьцаанд таван төгрөг буюу нийт 1.176.598.590 төгрөгийг хувьцаа эзэмшигчдэдээ ногдол ашиг болгон тараахаар боллоо.

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалтыг 2021 оны хувьцаа эзэмшигчдийн ээлжит хуралд оролцох бүртгэлийн өдрөөр гаргах бөгөөд 2021 оны арванхоёрдугаар сарын 31-ний дотор "ҮЦТХТ" ТӨХХК-ийн дансанд шилжүүлэхээр шийдвэрлэсэн байна. 

"МОНГОЛ БАЗАЛЬТ" ХК 160.2 САЯ ТӨГРӨГИЙН НОГДОЛ АШИГ ТАРААНА

"Монгол базальт" ХК-ийн ТУЗ-ийн 2021 оны хоёрдугаар сарын 8-ны өдрийн №03 тоот тогтоолоор 2020 оны цэвэр ашгийг 100 хувь ногдол ашиг болгон хувьцаа эзэмшигчдээ тараахаар шийдвэрлэж, нэгж хувьцаанд 2.87 төгрөг буюу нийт 160.2 сая төгрөгийг олгохоор болсон байна. 

Энэхүү ногдол ашиг авах эрхтэй хувьцаа эзэмшигчдийн нэрсийн жагсаалт гаргах өдөр нь 2021 оны хувьцаа эзэмшигчдийн ээлжит хурлын бүртгэлийн өдөр байх бөгөөд 2021 оны зургадугаар сарын 30-ны өдөр "ҮЦТХТ" ТӨХХК дахь хувьцаа эзэмшигчдийн дансанд байршуулахаар шийдвэрлэсэн байна.

Эх сурвалж: Монголын Хөрөнгийн бирж