Монголбанк болон арилжааны банкны санхүүжилтийн хүрээнд 2020 оны арваннэгдүгээр сараас 2021 оны нэгдүгээр сарын 25-ны өдрийн хооронд банкууд нийт 99.5 тэрбум төгрөгийн ипотекийн зээлийг 1362 өрхөд олгожээ. Үүнээс Монголбанкны эх үүсвэрээр 974 иргэнд 62.3 тэрбум, банкны эх үүсвэрийн санхүүжилтээр 388 иргэнд 37.2 тэрбум төгрөгийн ипотекийн зээл олгосон байна.
Түүнчлэн коронавируст цар тахлын хүндрэлтэй холбоотойгоор банкууд орон сууцны ипотекийн зээлийн төлөлтийг хойшлуулах хүсэлтийг иргэдээс хүлээн авч байгаа бөгөөд энэ сарын 22-ны байдлаар 53 мянга 180 зээлдэгч хүсэлт гаргажээ. Үүнээс 90 гаруй хувь буюу 52 мянга 384 иргэний хүсэлтийг шийдвэрлэж, зээлийн эргэн төлөлтийг хойшлуулсан байна. Банкууд нэгдүгээр сарын 30-ны өдрийг дуустал иргэдээс ипотекийн зээлийг хойшлуулах талаар хүсэлтийг цахимаар хүлээн авч буй юм.
| Ипотекийн зээлийг хойшлуулах хүсэлтийг нэгдүгээр сарын 30 хүртэл цахимаар хүлээн авна |
|
| Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
| 7509-1188 |
