Аймаг, нийслэл, сум, дүүргийн ИТХ-ын ээлжит сонгуулийн үр дүнгээр бүрдсэн НИТХ анхдугаар хуралдаан эхэллээ.

          Энэ үеэр НИТХ-ын төлөөлөгч Т.Батцогт "Энэ удаагийн орон нутгийн сонгуулийн ирц 42 хувьд хүрсэн. Төрийн байгууллагаас томилогдсон сонгуулийн хороо иргэдийн ирцийг нэмэгдүүлэх тал дээр ямар ажил зохион байгуулж хийсэн бэ. Бидний хувьд сонгуулийн ирц хангалтгүй байна. Улаанбаатар хотын нийт иргэдийн санал 50 хувь ч хүрэхгүй байна. Мэдээж төрөөс та бүхэнд шударга зөв, зохион байгуулалттай сайн ажлаарай гэж тодорхой хэмжээний төсөв баталж өгсөн. Энэ хүрээнд ямар ажил хийсэн бэ" гэв.

             Түүний асуултын хариуд Нийслэлийн сонгуулийн хорооны дарга П.Хадбаатар "Нийслэлийн сонгуулийн хорооноос ирцтэй холбоотой мэдээллийг бид телевизээр шууд дамжуулсан. Сонгуульд оролцсон нийт хүний тоогоор 2020 оны сонгуулиас их хүн оролцсон. Сонгогчдын тоо өссөн ч санал өгсөн хүмүүсийн тоо өмнөх 2020 оноос илүү дүнтэй байна" гэлээ.