Хичээлийн шинэ жил ойртож буйтай холбогдуулан орон сууц худалдан авах иргэдийн тоо нэмэгддэг. Бид Улаанбаатар хотын зургаан дүүргийн орон сууцны үгийг сурвалжиллаа.

Орон сууц худалдан авахаар зорьж буй иргэд хотын төвд байрлах байр худалдан авахыг зорьдог аж. 2025 оны дөрөвдүгээр сарын байдлаар орон сууцны 1 м² дундаж үнэ 4.52 сая төгрөг байсан бол, долдугаар сарын байдлаар Монгол Улсад орон сууцны дундаж үнэ өмнөх оны мөн үеэс 8.6 хувиар өсч, 1 м² талбай нь дунджаар 4.9 сая төгрөг болсон гэж Үндэсний статистикийн хорооноос мэдээлжээ. Орон сууцны үнийн өсөлтөд шинэ, хуучин орон сууцны эрэлт, барилгын материалын үнийн хэлбэлзэл, мөнгөний бодлогын нөхцөл байдал зэрэг голлон нөлөөлдөг байна.

БАЯНЗҮРХ ДҮҮРЭГ

Улаанбаатар хотын хамгийн олон хүн амтай, үл хөдлөх хөрөнгийн идэвхтэй зах зээлтэй бүс бол Баянзүрх дүүрэг. Сүүлийн жилүүдэд энэхүү дүүрэгт орон сууцны эрэлт тасралтгүй өсөж, шинэ хорооллууд нэмэгдсэнээр үнэ тогтмол нэмэгдэх хандлагатай болсон. Сансар, Натур, Амгалан, Жуков зэрэг бүсүүдэд м²-ийн үнэ 3 саяас давж, байршлаасаа шалтгаалан зарим орон сууц 5 сая төгрөгт хүрээд байна.

Баянзүрх дүүрэгт 2021 онд ашиглалтанд орсон 30.88 мкв хагас тавилгатай нэг өрөө байр 145 сая төгрөг байна. Байрны эзэн “ Манай байр гал тогооны бүрэн тавилгатай, төв зам дагуу, өвөлдөө дулааахан, сан техникийн асуудалгүй, ороход бэлэн цэвэрхэн байр. Одоо бэлэн мөнгөөр байр авах хүн ховор шүү дээ бид лизингээр худалдахаар зар оруулсан гэлээ.

Мөн Улаанхуаранд байрлах 1990 онд ашиглалтанд орсон 18мкв тавилгагүй нэг өрөө байр 85 сая төгрөгийн үнэтэй. Байрны эзэн “Манай байр 1990 онд ашиглалтанд орсон хуучны байр. Засвар хийсэн учраас сантекнитийн асуудалгүй, өвөлдөө дулаахан. Бусад байрнуудаас харицангүй хямд, бэлэн мөнгөөр худалдана” гэв.

БАЯНГОЛ ДҮҮРЭГ

Улаанбаатар хотын төв хэсэгт байрладаг Баянгол дүүрэг байрлал сайтай, дэд бүтэц хөгжсөн, эрэлт өндөртэй бүсүүдийн нэг. Сүүлийн жилүүдэд тус дүүрэгт орон сууцны үнэ тогтмол өсөж, хуучин ч бай, шинэ ч бай байруудын м²-ийн үнэ 3.5 саяас дээш гарчээ. Дүүргийн төв зам дагуу болон үйлчилгээний хүртээмж сайтай хорооллуудад үнэ харьцангуй өндөр байгаа бол захын хорооллуудад илүү боломжийн үнэтэй орон сууцууд ч бий аж.

Баянгол дүүргийн 3, 4-р хорооллын эцэс, Өргөө кино театрын хажуу дахь хуучны ес нь давхар байранд нэг өрөө орон сууц 160 сая төгрөгөөр худалдаалагдаж байна. Байрны эзэн “Тус байр 1999 онд ашиглалтад орсон, нийт 43 мвк талбай, бүрэн тавилгатай. Хотын хамгийн эрэлттэй бүсүүдийн нэг болох Хороолол орчимд байрлалтай” гэв.

Тэгвэл 10-р хороололд 13 давхар орон сууцны 12-р давхарт байрлах 25 м² талбайтай нэг өрөө байр 100 сая төгрөг байна. Байрны эзэн “Манай байр 2015 онд ашиглалтад орсон бөгөөд залуус, ганц бие хүмүүст болон хөрөнгө оруулагчдад зориулсан авсаархан, ашигтай сонголт. Уг байр нь төвийн А бүсэд байршилтай тул өдөр тутмын амьдралын хэрэгцээ болон үйлчилгээний төвүүдэд ойрхон” гэв.

СҮХБААТАР ДҮҮРЭГ

Сүхбаатар дүүрэг нь Улаанбаатар хотын хамгийн үнэ цэнтэй, үнэ тогтвортой өсөлттэй бүс бөгөөд хөрөнгө оруулалт, амьдрах орчин аль алинд нь онцгой давуу талтай. Шинэ болон хуучин орон сууцны эрэлт өндөр, үнэ өндөр байгаагаас шалтгаалан тус дүүрэгт байр худалдан авах, түрээслэх нь хөрөнгө оруулалтын хувьд ашигтай сонголт болж байна. 2025 оны эхний хагаст шинэ болон хуучин орон сууцны үнэ м² тутамд 5 саяас дээш сая төгрөгт хүрсэн нь хотын бусад дүүргүүдээс илт өндөр үзүүлэлтэй байна.

• Шинэ орон сууцны үнэ: Дундаж 5.4–5.8 сая төгрөг/м²
• Хуучин орон сууцны үнэ: Дундаж 5.2–5.6 сая төгрөг/м²

Үнийн энэ өсөлт нь тухайн дүүргийн байршил, дэд бүтэц, үйлчилгээний хүртээмж сайтай, нийтийн тээвэр, худалдаа үйлчилгээний төвүүдтэй ойр байгаатай шууд холбоотой.

Сүхбаатар дүүргийн  “New residence” хотхонд 28 мкв нэг өрөө байр 101 сая төгрөг бол дөлгөөн нуур шинэ зам дагуу нэг өрөө 37мкв байр 145 сая төгрөгийн үнэтэй байна.

ХАН-УУЛ ДҮҮРЭГ