Наадам дөхөхтэй зэрэгцэн зах, дэлгүүрүүдэд цагаан идээний үнэ огцом өсөх хандлагатай байдаг. Ард иргэд наадамдаа зориулж тараг, өрөм, ааруул зэрэг уламжлалт хүнсээ базааж эхэлдэг ч үнэ өндөр, сонголт хомс байгааг бухимдан ярьж байна. Малчдын зүгээс тээвэр, хадгалалтын зардал нэмэгдэж, хөдөлмөрийн үнэлгээ дутмаг байгааг шалтгаан болгон онцолжээ.

Дэлгүүрт зарагдаж буй цагаан идээ

СҮҮ 1Л 3500

ТАРАГ 1Л 4000

ӨРӨМ 15000

БЯСЛАГ 1КГ 30000

ААРУУЛ 1КГ 35000

ШИРГЭЭМЭЛ 1КГ 40000

БЯСЛАГНЫ ШАР СҮҮ 1Л 1000

 Багцаар зарагдаж буй цагаан идээ

• 2л сүү, 1л тараг, шинэ хайрсан боорцог, өрөм, ааруул (чихэртэй, чихэргүй) багц 39000. Хүргэлт байршлаас хамаарч 3000-5000

• Хөөрүүлсэн сүү 1л, саванд нь бүрсэн тараг 1л, өөхөн тосонд хайрсан гэрийн боорцог 1 кг багц 17000

• 2л тараг, 1 сав өрөм, 1л сүүтэй багц 25000

• Боорцог 1кг, Өрөм, тараг 1л багц 29800

БУЛГАНЫ АЙРАГ 10 МЯНГАН ТӨГРӨГИЙН ҮНЭТЭЙ БАЙНА 

Харин наадмын өдрүүдэд мах, малаас илүү чухал хүнс бол айраг. Хөдөөнийхөн наадмаас өмнө айраг уух гэж яаравчлан гүүгээ барьдаг бол хотыхон ч ялгаагүй тав, арван литр айргаар морь, бөхөө үзчихдэг заншилтай. Харин энэ жил айраг 13 мянга хүрчээ. Улаанбаатар хоттой ойрхон сумдын айраг долоон мянган төгрөгөөс эхэлж байна. Хүргэлттэй нь 10 мянга гэх. Харин их хэмжээгээр бөөндөж авах бол 6000 мянган төгрөгөөс эхлэх аж. Жил бүр айраг элбэгтэй, ихээр зардаг аймаг, сумд түрүүлж гүүгээ барьдаг. Тодруулбал, хангайн бүсийн сумдууд гүүгээ барьж, айргаа зардаг байна.