Дулааны улирал болж байгаатай холбоотойгоор иргэд шинэ шөл ууж ядаргаагаа тайлах, хотоос гарч аялж, зугаалахдаа хорхог хийх зорилгоор шинэ хонь, ямаа худалдан авах нь нэмэгддэг билээ. Тэгвэл бид иргэдийн хамгийн ихээр зорьж очиж үйлчлүүлдэг Эмээлт зах дээр хонь, ямаа болон бусад малын мах хэдэн төгрөгийн үнэтэй байгааг сурвалжиллаа.

        Нийслэлчүүдийн зорин очиж, махны худалдаа эрхэлдэг Эмээлт зах дээр амьд хонь 270-550 мянган төгрөгийн үнэтэй байна. Эр хонь килограммаасаа хамаарч үнэ нь 370 мянган төгрөгөөс эхэлнэ. Харин ямааны үнэ 180-290 мянган төгрөгийн хооронд үнэтэй байгаа бол иргэдийн ихээр авдаг хязаалан ямааны үнэ 200 мянган төгрөгөөс эхэлнэ. Тэгвэл бид Эмээлт дээр наймаа эрхлэхээр ирсэн иргэнээс хэдэн төгрөгөөр худалдаж байгааг лавлахад ямаа амьдаараа 260 мянган төгрөг, төхөөрөх бол 275 мянган төгрөг болохоор болж байгааг хэллээ. 

       Иргэд гулууз болон амьдаар нь авахаас гадна хэрэглээндээ тохируулан махыг жижиглэнгээр нь авдаг. Тус худалдааны төвд хонины гулууз нэг килограмм нь 11500 төгрөг, жижиглэнгээр 12500-14500 төгрөг бол хуйхтай шинэ хонины мах 17500 мянган төгрөгийн үнэтэй байна.

Эмээлтээс мал худалдаж авсан иргэд заавал төхөөрүүлж, гэдэс гүзээг нь угаалгаж авдаг. Тэгвэл нэг хонийг 25000 төгрөгөөр төхөөрч, гүзээг нь 3000 төгрөгөөр угаадаг бол толгой, шийрийг нь 10 мянган төгрөгөөр хуйхалдаг байна. Мөн ямаа килограммаасаа шалтгаалаад 150-200 мянган төгрөгийн үнэтэй байна. Төхөөрөмж, бэлдүүлж авах нь дээрх үнэтэй адил. Мөн хуйхалсан ямааны мах гурван килограмм нь буюу 45-50 мянга, хонины хуйхалсан мах 60 мянган төгрөгийн үнэтэй байна. Мөн хонины годон килограмм нь 6500 төгрөг, сүүл нь 7500 төгрөгөөр тус тус худалдаалагдаж байна.

Эмээлт худалдааны төвөөр мах авах гэсэн иргэд очихоос гадна, хэдэн малаа зарах гэсэн малчдын хөлч тасардаггүй. Зарим малчид хэдэн өдрөөр байрлаж, авчирсан хэдэн малаа иргэдэд борлуулдаг бол дийлэнх нь махны ченж нарт зардаг. Эмээлт болон бусад худалдааны төвүүдэд ажиллаж малчдаас байнга мах худалдан авдаг ченж нарын үнийг сонирхлоо. Тэд килограммаар тооцон үнэлэх бөгөөд хонины махыг 10.5-12.5 мянган төгрөгөөр үнэлэн авдаг.

Эр үхрийн мах

220 кг дээш 14500 төгрөг

180-219 kr 13500 төгрөг

130-179 кг 12000 төгрөг

110-130 кг 11000 төгрөг

Сувай үнээ

160 кг дээш 12500 төгрөг

160 кг доош 11000 төгрөг

Саамгай үнээ

120 кг дээш 9500 төгрөг

120 кг доош 9000 төгрөг

Хонь тарган

25 дээш кг бол 12500 төгрөг

23-25kr 11500 төгрөг

20с доош 10500 төгрөг

Ямаа

21 кг дээш 9000 төгрөг

21 кг доош 8500 төгрөг

Мөн малаас гарах түүхийн эд болох ямааны арьсыг 1000 төгрөг, хонины нэхий, өлөнг 2500 төгрөг, үхрийн ширийг 5000 төгрөг, тэмээний ширийг 40000 төгрөг, сарлагийн шир, сүүл 25 мянга, бухын шир 25 мянга, бол адууны шир сүүлтэйгээ 8000 төгрөг, сүүл 8000 төгрөг, цагаан шир нь 50 мянган төгрөгийн үнэтэй байлаа.

Мөн "Хүчит Шонхор-Дэнжийн 1000" дээр ямааны ястай мах 13000, цул нь 13000-15000 төгрөг, хонины ястай мах 14000-15000 төгрөг, ястай нь 15 мянга, үхрийн цул мах 20-21 мянга, ястай нь 19-20 мянган төгрөг, адууны цул мах 11.5-12 мянга, ястай нь 11-11.5 мянган төгрөгийн дундаж үнэтэй байна.