Сурагчдын зуны амралт эхлэхэд долоо хоног үлджээ. Зуны амралтаар хүүхдүүд гэр бүлээрээ аялж зугаалах, хөдөө явж дурсамж дүүрэн өнгөрүүлэхийг зорьдог. Мөн хоцрогдсон хичээлүүдээ нөхөх, гадаад хэлээ сайжруулах, сургалтад суухыг зорьдог билээ. Бид сурагчдад зориулсан зуны гадаад хэлний сургалтын төлбөр болон хөтөлбөрийг сурвалжиллаа.

Улирлын амралт эхэлж буйтай холбогдуулан гадаад хэлний зуны сургалтууд элсэлтээ зарлажээ. Хүүхдүүд ихэвчлэн тухайн улсад очиж хэл сурах сонирхолтой байдаг гэнэ. Тухайн сургалтын хөтөлбөр, очих улсаас хамааран төлбөр харилцан адилгүй байна. Жишээлбэл Филиппин улсын Себү арал дээрх англи хэлний вакум хөтөлбөрийн сарын төлбөр 18.7 сая бол Хятад улсын Шанхай хотын хятад хэлний сургалт 7.6 сая төгрөг байна.

Анлги хэлний “Unlock mind” хөтөлбөр

Филиппин улсын үзэсгэлэнт Себү арал дээр байрлах англи хэлний вакум сургалт энэ зуны элсэлтээ зарлажээ. Энэхүү хөтөлбөр нь мэргэжлийн багшаар англи хэл заалгахын зэрэгцээ амралтын өдрүүдэд тухайн танилцах арга хэмжээ багтжээ. Тус хөтөлбөрт 7-17 насны сурагчид хамрагдах боломжтой.  Сургалтын хөтөлбөр нь ерөнхий англи хэл болон IELTS шалгалтад бэлтгэх хөтөлбөрүүдээс сонгон суралцах аж. Сургуулийн кампус, усан бассейн, сагсан бөмбөг, хөлбөмбөг, волейбол тоглох талбай, унадаг дугуй унах талбайтай багтжээ.

СУРГАЛТЫН ХУГАЦАА

2025.06.15-07.11

2025.06.28-07.24          

2025.07.25-08.21

Сургалтад 4 долоо хоног буюу 1 сар, 2 долоо хоног буюу 2 сараар суралцах боломжтой.

Төлбөр: 14 хоногийн- 9.5 сая, сарын 18.7 сая

Герман хэлний “Эртифолг” сургалт

МҮЭСТО 2 давхарт байрлах герман хэлний “Эртифолг” сурагчдад зориулсан сургалтаа зарлажээ. Энэхүү хөтөлбөр арваас дээш насны хүүхэд хамрагдах боломжтой. Долоо хоногт хоёр цагаар гурван удаа мэргэжлийн багш нар герман хэлний хичээл орно. Зургадгаар сарын арванаас тус сургалт эхлэх ба бага, дунд, ахлах ангийн бүлэгтэй.

Төлбөр: нэг сарын 380 мянга

Хятад хэлний “Күнз” сургалт

Күнз боловсролын төв нь Шанхай хот дахь буюу Зүүн хятадын шинжлэх ухаан технологийн их сургуультай хамтарсан зуны сургалт зохион байгуулах гэж байна. Тус хөтөлбөрт арван зургаагаас дээш насны  хүүхдүүд хамрагдах боломжтой. Мэргэжлийн хятад хэлний багш долоо хоногт гурван цагаар таван удаагийн хичээл орох юм. Амралтын өдрүүдээр Хятад улсын соёлын хичээл уран бичлэг, хайчилбар, цайны соёлын хичээл орох юм. Мөн Шанхай хотын түүхийн газруудаар аялах хөтөлбөртэй.

Төлбөр: нэг сарын 7.6 сая

Солонгос хэлний “Боломж” сургалт

Улаанбаатар хотод байрлах боломж солонгос хэлний зуны сургалтын бүртгэл энэ сарын 31-ийг хүртэл үргэлжилж байна. Тус сургалтад анхан, дунд, ахисан түвшинтэй ба хэлний түвшний шалгалтаа өгснөөр хамрагдах боломжтой. Анхан шатны ангиуд нь зургаан сарын дөрвөнд эхлэх юм. Энэхүү сургалтын нэг шатанд солонгос хэлний 15 хичээл багтжээ.

Төлбөр: нэг сарын 320 мянга