Сурагчид зуны амралтаа гэр бүлээрээ аялах, зусланд явах болон өөрийгөө хөгжүүлэх  дугуйлан сургалтад хамрагдаж өнгөрүүлдэг. Тэр дундаа сурч,  цэвэр агаарт хөгжилдөж болох хүүхдийн зусланд олноор хамрагддаг. Ингээд сурагчдын амралттай холбогдуулан хүүхдийн зуслангийн үнэ, төлбөрийн талаар сурвалжиллаа.

            Энэ жилийн хувьд эцэг эхчүүд бие тамир голлосон хүүхдүүдийг чийрэгжүүлэх зусланд хамруулах сонирхолтой байгаа аж. Чийрэгжүүлж, бялдаржуулах зуслан нь таеквондо, иога, сагсан бөмбөг, гар бөмбөгийн сургалттай. Хүүхдийн зуслангийн төлбөр 250 мянган төгрөгөөс эхэлж байлаа. Англи хэл болон математик, монгол хэлийн сургалттай зусланг хүүхдүүд зорьж ирэх нь элбэг байдаг гэнэ. Монгол Улсын хэмжээнд нийт 55 зуслан бүртгэлтэй байдгаас төрийн өмчит зургаа, орон нутгийн өмчит 10, Хөдөлмөр зуслан зургаа, орон нутгийн өмчит үйлдвэрийн газрын харьяа зуслан дөрөв, байгууллага, аж ахуйн нэгжийн харьяа хоёр, хувийн өмчит 28 зуслан байдаг.

СПОРТЫН СУРГАЛТТАЙ ЗУСЛАНГИЙН ҮНЭ 250-800 МЯНГАН ТӨГРӨГИЙН ҮНЭТЭЙ

            “ХААДЫН ЗАРЛИГ” ЗУСЛАН

            Хүүхдүүд маань 10 хоногийн турш Монгол ахуй, соёлоороо амьдарч, цагаан идээгээ өөрсдөө боловсруулж идэхээс эхлээд бүхнийг өөрсдийн гараар хийж таеквондогийн өдрийн 2 бэлтгэлд орж тулааны ур чадвараа нэмэгдүүлснээр өөрийгөө төдийгүй бусдыг хамгаалж сурна.

Төлбөр: 690 мянган төгрөг

"GIRL'S SUMMER ECO CAMP II"

Энэ нь охидын зуслан бөгөөд дараах хөтөлбөрийн дагуу суралцана.

•           Survival skill буюу амьдрах арга, ухаан

•           Eco lifestyle буюу эрүүл амьдралын хэв маяг

•           Эргэцүүлэн бодох сэтгэлгээ /Reflective Mindset/

•           Хамтран ажиллах сэтгэлгээ/Collaborative Mindset/

•           EQ дэмжих бүтээлч сэтгэлгээ/Creative&Critical Thinking Mindset/

•           Хариуцлагатай сэтгэлгээ/Responsible Action Mindset/

•           Хүйсийн тэгш байдлын сэтгэлгээ/Gender Equality Mindset/

•           Дэлхийн иргэн болох сэтгэлгээ/Worldly Mindset/

Энэхүү зуслан 9-15 насны хүүхдүүдийг бүртгэх ба нэг ээлжийн төлбөр 250 мянган төгрөг

SUMMER CAMP-2024

       Ой модны захад, байгалийн үзэсгэлэнт тогтоц цэвэр агаарын эх булагт байрлана. Сагсан бөмбөг, адал явдалт хөтөлбөр, хөгжөөнт тоглоом, явган аялал, байгаль орчинтой танилцах ойн зугаалгатай.

Наймаас дээш насны хүүхдүүдийг бүртгэх бөгөөд 800 мянган төгрөгийн үнэтэй.

НҮҮДЭЛЧДИЙН СОЁЛ ХҮҮХДИЙН ЗУСЛАН

        Өдөр бүр иога, бясалгалаар хүүхдийн тархийг амраана. Элсэнд орж биеийн алжаал ядаргаа тайлна. Хүүхэд бүрд хүүхдийн төрөлх авьяас чадварыг хөгжүүлнэ.Нийгэмшил харилцааны цогц хөтөлбөр хэрэгжүүлдэг. Өглөө орой бүр сүү тараг ууж мэргэжлийн тогоочийн эрүүл амтат хоолоор үйлчилнэ. Мөн зуслангийн эмчтэй, хүүхэд бүрийн биеийн ерөнхий үзлэг оношилгоо хийгдэнэ.

Тус зусланд 7-11 настай хүүхдүүдийг хамруулах ба 475 мянган төгрөгийн үнэтэй.

Гадаад хэлний сургалттай зуслангийн төлбөр 450 мянган төгрөгөөс эхэлж байна

   Жил бүр англи хэл болон математик, монгол хэлийн сургалттай зусланг сонгох эцэг эх олон байдаг.

АНГЛИ ХЭЛ+EQ

Мэргэжлийн америк багш өдөр бүр гурван цаг ярианы хичээл орно. Тесол зэрэгтэй монгол багш нэг цаг уншлагын хичээл орно (үгсийн сан, үгний хэрэглээ, дуудлага, дүрмийн мэдлэг сайжирна.

Тус зуслангийн долоо хоногийн төлбөр 488 мянган төгрөг бөгөөд 6-13 насны хүүхдүүд хамрагдана.

BE SUMMER CAMP 2024

Англи хэлтэй зуслан сургалтын үйл ажиллагаа нь зуслангийн хөтөлбөрөөр явагдах бөгөөд нийт цагийн 60% нь Англи хэлний түвшин ахиулах сургалт явагддагаараа онцлог юм. Вакум сургалтын давуу тал нь 10 хоногийн 7 өдөр, өдрийн 6 цагийг цэвэр агаарт Англи хэл суралцаж Англиар ярилцаж өнгөрөөдөг, 3 өдөр бүтэн хувь хүний хөгжлийн хөтөлбөр, спорт үйл ажиллагаа, урлаг, хөгжөөнт тоглоомын хөтөлбөрт хамрагдаж, үе тэнгийнхэнтэйгээ зуны цагийг аз жаргалтай, хөгжилтэй өнгөрөөх, өөрийгөө нээн илрүүлэх алтан боломжийг олгодог.

Зусланд 8-18 насны хүүхдүүд хамрагдах боломжтой ба төлбөр нь 1 сая төгрөг

Spark English center

       Түвшин ахиулах эрчимжүүлсэн, англи хэл, скаут хөтөлбөр, спорт хөтөлбөр, байгальтай танилцах хөтөлбөр, хөгжөөнт тоглоом, зургийн хөтөлбөр гэх мэт олон хөтөлбөрүүдэд хүүхдүүд маань англи хэл дээр оролцох боломжтой.

Эхний хоёр хоногт Улаанбаатарт сургалтын төв дээрээ хичээллэх нь дараах давуу талтай.

Зуслангийн төлбөр 500-650 мянган төгрөг

Ингээд энэ жил үйл ажиллагаа явуулж байгаа бусад хүүхдийн зуслангийн төлбөр, ээлжийн мэдээллийн хүргэе.