“Автомашины үнэ удахгүй буурна, хил нээхээр буурна” гэдэг үлгэрт итгээд хоёр жилийн нүүрийг үзлээ. Дэлхий нийтийг аюулд хамруулаад байсан цар тахлын үед автомашины үнэ тэнгэрт гартлаа өссөн. Тэр үеэс л автомашины үнэ “Хил нээхээр буурна” гэх яриа гарсан. Гэтэл өдгөө цар тахлын манан барилж, тайван цаг үе ноёлоод байгаа хэдий ч иргэдийн гол хэрэгцээ болох автомашины үнэ огт буурсангүй. Харин эсрэгээрээ 50 хувь хямдарсан гэх нэрийн доор ченжүүд бараа бүтээгдэхүүнийхээ үнийг хэд дахин нугалж зарсан тохиолдол гарч байсан билээ. Ер нь монголд хямдрал гэх нэр гарт баригдаж, нүдэнд харагдаад байдаггүй.

             Хичээлийн шинэ жил эхэлж буйтаа холбоотойгоор Эргэлт.мн мэдээллийн сайт “Да хүрээ” захад автомашины үнэ ямар байгаа талаар сурвалжиллаа. Удахгүй идэр есийн хүйтэн эхэлж, иргэд хүүхдүүдээ сургууль, цэцэрлэгт нь хүргэж өгөх үнэ боломжийн унаа хайн “Да хүрээ” захаар холхих аж. Биднийг тус захад очих үеэр хөл хөдөлгөөн дарагдсан “Да хүрээ” захын ченжүүд ам орсон үнэ хэлж байх юм. Тухайлбал өнгөрсөн хавар 20-22 сая төгрөгийн үнэтэй байсан приус 20 маркийн автомашин 26 сая төгрөгт хүрчээ.

Автомашины худалдан авахаар зорин ирэх хүмүүсийн тоо сүүлийн үед нэмэгдэжээ. Үүнийг дагасан автомашины ханш өссөн талаар "Да хүрээ"-д тэвштэй автомашины худалдаа эрхэлдэг 50 орчим насны эрэгтэйгээс асуухад тэрбээр “Портер үйлдвэрлэсэн оноосоо хамаараад янз бүрийн л  үнэтэй байна даа. Манайх энэ жил 1999-2005 онд үйлдвэрлэгдсэн автомашинуудыг худалдаалж байна. Энэ портер гэхэд 1999 оных 14 сая төгрөгөөр зарагдаж байгаа" гээд хажуудах автомашинаа зааж байна. Тэрбээр үргэлжлүүлэн "Автомашин оноосоо шалтгаалж, үнийн хувьд 1,5 саяаас 5 сая төгрөгийн зөрүүтэй байдаг. Өссөн үнэ нь зөвхөн тээврийн зардлын өртөг. Түүнээс бус худалдаачид зохиомлоор үнийн хөөрөгдөл үүсгэсэн зүйл байхгүй. Тэвштэй автомашины хувьд пруис маркийн автомашинаас үнийн хувьд тогтовортой, ойр ойрхон үнэ нь нэмэгдээд байдаггүй. Сүүлийн өдрүүдэд тэвштэй машин сайн борлуулагдаж байна. Малчид отор нүүдэл, хадлан тариалан гээд худалдан авалт ихээр хийж байна.

Тухайлбал өнгөрсөн хавар 20-22 сая төгрөгийн үнэтэй байсан приус 20 маркийн автомашин 26 сая төгрөгт хүрчээ.

Бид энэ үеэр худалдан авалт хийхээр ирсэн малчин залуугаас дараах тодруулагыг авсан юм. Тэрбээр “Өнгөрсөн жил машин худалдаж авсан. Манай 2020 онд орж ирсэн “Probox” 10 сая төгрөгөөр авч байлаа. Гэтэл энэ жил үнэ нь хоёр дахин нэмэгдээд 21 сая төгрөг болжээ. Он хуучин машин ч өнгөрсөн жилийн үнэ ханшаар худалдаж авах боломжгүй болсон байна. Хуучин машины үнэ ч шинээсээ ялгагдах зүйлгүй өссөн бололтой. Энэ жил нэг тэвштэй тэрэгтэй болох санаатай ноолуурын мөнгөө өвөртлөөд ирсэн чинь барахгүй нь. Хаанаа ч хүрэхгүй янзтай шүү. Нутаг руугаа буцаад, малчин зээл авч ирдэг юм уу л гэж бодож зогсоно. Өглөөнөөс хойш энэ хавиар эргэлдлээ. Олигтой машин таарсангүй. Хэзээ мөдгүй салж унах гэж байгаа машины эзэн хүртэл амандаа орсон, дуртай үнээ хэлж байх юм. Шинэ машины үнийг бүүр асуугаад ч хэрэг алга. Миний сонирхож байгаа тэвштэй машины орж ирсэн үнэ 30 сая төгрөг хол гарчээ. 2015 онд орж ирсэн үнэ нь 23 сая төгрөг болсон байна” гэх хариултыг өгсөн юм.

Валютын үнэ ханш өсөж, шатахууны үнэ нэмэгдээд байхад автомашины үнэ буурах аргагүй. Сүүлийн хоёр жил гэхдээ автомашины үнэ ийм л байгаа шүү дээ” гэв

Нутаг руугаа буцаад, малчин зээл авч ирдэг юм уу л гэж бодож зогсоно. Өглөөнөөс хойш энэ хавиар эргэлдлээ. Олигтой машин таарсангүй.

Иргэдийн хамгийн их худалдан авалт хийдэг “Prius 20”, “Prius 30”,  “Prius 41”, “Prius 50”, “S”, “Aqua”, “Probox” “Harrier” загварын машины үнэ асуухад “Prius 20” 20-24 сая, “Prius 30” 28 сая, “S” 24 сая, “Prius 50” 36 сая, “Prius 41” 32.5 сая төгрөгийн үнэтэй. Харин “Aqua” загварын автомашин 18-20 сая, “Probox” 15-23 сая, “Harrier” загварын автомашин 36-95 сая төгрөгийн үнэтэйгээр борлуулагдаж байна. Үнийн хувьд нэмэгдээгүй бараг л хэвээрээ байгаа” гэлээ. Өнгөрсөн хавар тус захад ирж машины үнэ сонирхсон болохоор  “Машины үнэ багагүй нэмэгджээ. Өнгөрсөн хавар ирэхэд “Prius 20" 20-23 сая, "Aqua" 17-19,“Probox” 12-21 сая, “Harrier” 36-93 сая төгрөгийн үнэтэй байсан” гэлээ. Тэрбээр үргэлжлүүлэн “Prius”, “Harrier” загварын автомашины үнэ нэг саяаас таван сая төгрөгөөр л нэмэгдсэн байгаа. Ойрд худалдан авалт бага байна. Аравдугаар сарын дундуур борлуулалт жаахан нэмэгдэх байх. Цар тахал намжсан байгаа ч хил гаалийн асуудал хэвээрээ байна. Наймаачдын хувьд дээрдэж байгаа зүйл алга. Хүмүүс машин үнэтэй байгааг гайхаад л өнгөрөх юм. Валютын үнэ ханш өсөж, шатахууны үнэ нэмэгдээд байхад автомашины үнэ буурах аргагүй. Сүүлийн хоёр жил гэхдээ автомашины үнэ ийм л байгаа шүү дээ” гэв. Автомашины үнэ тэнгэрт хадсан байгаагаас үүдэн борлуулалт муу байгаа нь тус захын эл хуль байдлаас илт байв.

Малчид отор нүүдэл, хадлан тариалан гээд худалдан авалт ихээр хийж байна.

Автомашины үнийн хөөргөдөл амьдралд нийцэхгүй болжээ. Хамгийн багадаа үйлдвэрлэгдээд 5-10 жил болж байгаа машинууд монголын зах зээлд асар үнэтэй зарагдаж байна. Үйлдвэрлэгдсэн он нь таван жилээс доош болоод ирэхээр үнэ нь хэд дахин нэмэгддэг. Цар тахлын үед хил хааснаас үүдэн автомашины үнэ нэмэгдсэн. Харин хил нээж олон улсын худалдаа наймаа чөлөөтэй болсон ч автомашины үнэ буурах нь бүү хэл цагаар өсөж байна гэхэд болно. Хөл дүүжлэх унаатай болох гэсэн иргэдэд автомашин авна гэдэг мөрөөдөл болжээ. Автомашины үнэ өдрөөс өдөрт нэмэгдсээр...